१७ फागुन, काठमाडौं । इंग्लिस प्रिमियर लिग फुटबलमा लिभरपुलले म्यानचेष्टर सिटीलाई पराजित गरेको छ ।
आइतबार राति भएको खेलमा लिभरपुलसँग २-१ ले स्तब्ध भएपछि सिटीको उपाधि होडमा समेत धक्का लागेको छ । यसको फाइदा लिग लिडर चेल्सीलाई भएको छ ।
घरेलु मैदान एन्पिmल्डमा भएको खेलमा लिभरपुलले ११ औं मिनेटमा डेन्डरसनको गोलबाट अग्रता लियो । २५ औं मिनेटमा इडेन जोकोले सिटीका लागि बराबरी गोल फर्काए ।
खेलको ७५ औं मिनेटमा ब्राजिलियन मिडफिल्डर काउटिन्होले उत्कृष्ट गोल गर्दै लिभरपुललाई २-१ को अग्रता दिलाए । खेलको ८३ औं मिनेटमा लिभरपुलका कोलो टोरे मोरेनोको सट्टा मैदान प्रवेश गरे ।
उनका दाइ याया टोरे म्यानचेष्टर सिटीबाट सुरुबाटै खेलिरहेका थिए । औपचारिक खेलमा कोलो दाई यायाविरुद्ध मैदानमा उत्रिएको यो पहिलो पटक हो ।
खेलमा थप गोल हुन सकेन र लिभरपुलले म्यानचेष्टर सिटीविरुद्ध २-१ को जित हात पारेको छ ।
जितपछि लिभरपुल ४८ अंकका साथ पाँचौं स्थानमा छ । लिग लिडर चेल्सीको २६ खेलबाट ६० अंक छ । एक खेल बढी खेलेको सिटीको ५५ अंक छ । चेल्सीले बुधबार वेष्टहृयामलाई पराजित गर्न सके ८ अंकको अग्रता लिनेछ ।