पेस्तोलसहित युवक पक्राउ

२६ चैत, सिरहा । सिरहाको मिर्चैया नगरपालिका– ५ का एक युवकलाई अटोमेटिक पेस्तोलसहित प्रहरीले पक्राउ गरेको छ । पक्राउ पर्नेमा स्थानीय २० वर्षीय घुसका भन्ने सञ्जय मण्डल रहेका छन् ।

विशेष सुराकीको आधारमा मण्डललाई नियन्त्रणमा लिएर शरीर जाँच गर्दा अटोमेटिक पेस्तोल र सोमा लाग्ने चार राउण्ड गोली बरामद भएको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिए ।