२६ चैत, गोरखा । गोरखाको सामागाउँमा रहेको वीरेन्द्र तालमा हिम पहिरो गएको छ । हिउँको ठूलो ढिस्को तालमा खसेपछि अनियन्त्रित भएर बाहिर निस्किएको पानीले मनास्लु पदमार्गअन्तर्गतको सामागाउँ-साम्दो जोड्ने काठको पुल बगाएको छ ।
- वीरेन्द्र तालको फाइल तस्वीर
प्रहरी नायब उपरीक्षक अर्जुनचन्द ठकुरीले मनास्लु हिमश्रृङ्खलाबाट झरेको हिउँको ढिस्को तालको पानीमा बज्रेपछि सामान्य क्षति भएको बताए । स्थानीयले हिम पहिरो गएर ताल फुटेको बताएपछि अवलोकनका लागि सामागाउँ प्रहरी चौकीको टोलीलाई खटाइएको ठकुरीले जानकारी दिए ।
स्थानीयले तालमा पहिरो जाँदा ठूलो आवाज आएको र सामागाउँ क्षेत्रमा बाफ फैलिएको बताएका छन् ।
ताल गोरखा सदरमुकामदेखि ५२ कोस टाढा तथा सामागाउँ बजारदेखि करिब आधा घन्टाको दूरीमा पर्दछ । तालबाट निस्केको पानी बूढीगण्डकी नदीमा मिसिन्छ ।
-तस्वीर : विकिमापिया
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4