दुनियाको सात आश्चर्य मध्येको एक भारतको चर्चित ताजमहलमा भैँसीमाथि प्रतिबन्ध लगाइएको छ । ताजमहल भित्र भैँसी लग्ने त कुरै भएन बाहिरको बाटोमा समेत अब भैँसी हिँडाउन पाइनेछैन ।
नयाँ नियम अनुसार ताजमहलको नजिकबाट भैँसीलाई हिँडाउन पाइनेछैन भने भैँसी मालिकहरुले यमुन नदीमा भैँसीलाई आहाल खेलाउन पनि पाउनेछैनन् ।
भैँसीमाथिको यो प्रतिबन्ध उल्लंघन गर्ने भैँसी मालिकलाई पक्राउ गरी कारवाही गरिनेछ ।
ताजमहल हेर्न जाने लाखौँ पर्यटकलाई त्यहाँ आसपास चर्ने तथा हिँडिरहने भैँसीका कारण कठिनाई उत्पन्न भएको तथा ताजमहल क्षेत्रकै प्रतिष्ठामा आँच पूराएको ठहर गर्दै सरकारले यस्तो निर्णय गरेको बताइएको छ ।
अघिल्लो हप्ता ताजमहलको अवलोकनमा आएको संसदीय टोलीले समेत ताजमहलको आसपासमा थुप्रै भैँसी देखेपछि स्थानीय अधिकारीहरुसँग यसबारेमा कुराकानी गरेका थिए । तत् पश्चात स्थानीय ताजगंज पुलिस चौकीमा भैँसी पालक तथा अधिकारीहरुबीच छलफल भयो ।
अन्ततः आगराको प्रशासनले ताजमहल क्षेत्रबाट भैँसी हिँडाउन तथा नजिकैको यमुना नदीमा भैँसीलाई आहाल गराउन वा नुहाउनमा प्रतिबन्धको घोषणा गरेको हो ।
प्रतिक्रिया 4