तोलामा चार सय रूपैयाँले बढ्यो सुनको भाउ

११ वैशाख, काठमाडौं । साताको अन्तिम दिन शुक्रबार सुनको भाउ तोलामा चार सय रूपैयाँले बढेको छ । नेपाल सुनचाँदी व्यवसायी महासंघका अनुसार  विहीबार तोलाको ५१ हजार ६ सय रुपैयाँमा कारोबार भएको सुन शुक्रबार तोलामा ५२ हजार रुपैयाँमा कारोबार भइरहेको छ ।

यो दिन चाँदीको भाउ पनि पाँच रुपैयाँ बढेको छ । शुक्रबार चाँदी तोलाको ६ सय ९० रुपैयाँमा कारोबार भइरहेको महासंघले जनाएको छ ।