२७ वैशाख, काठमाडौ । सरकारले विनाशकारी भूकम्पबाट अतिप्रभावित १५ जिल्लाका लागि तत्काल तीन अर्ब रुपैयाँ बराबरको खाद्यान्न आवश्यक रहेको तथ्यांक सार्वजनिक गरेको छ ।
कृषि विकास मन्त्रालयअन्तर्गतका निकायले गरेको अध्ययनले तत्काल १५ जिल्लामा उक्त परिणामबराबरको खाद्यान्न आवश्यक रहेको देखाएको नागरिक दैनिकमा खबर छ ।
मन्त्रालयका सहप्रवक्ता शंकर सापकोटाले १५ जिल्लामा दुई लाख ८ हजार टन खाद्यान्न आवश्यक रहेको जानकारी दिए । यसका लागि तीन अर्बजति खर्च लाग्ने उनले बताए ।
कृषि जनगणना २०६८ अनुसार हिमाली तथा पहाडी जिल्लामा त्यहाँ उत्पादित अन्नले एक वर्ष पनि खान पुग्दैन । त्यसमाथि पनि भूकम्पले अलिअलि भएको अन्नपात पुरिएपछि झन् संकट देखिएको मन्त्रालयको भनाई छ । जिल्ला कृषि विकास कार्यालय र पशु सेवा कार्यालका अधिकारी भूकम्प अतिप्रभावित क्षेत्र पुगेर तथ्यांक संकलन गरेको मन्त्रालयले जनाएको छ ।
प्रतिक्रिया 4