- विप्लव माओवादीका कार्यकर्ताले जलाएको ट्याक्सी । तस्वीर : कविन्द्र भट्ट
कविन अधिकारी
८ साउन, काठमाडौं । विप्लव माओवादीका कार्यकर्ताले चालकलाई भित्रै राखेर ट्याक्सीमा आगजनी गरेका छन् ।
आगजनीपछि चालक भागेका कारण कुनै मानवीय क्षति हुन पाएन । तर, ट्याक्सी पूर्णरुपमा जलेको छ ।
शुक्रबार दिउँसो नयाँ बजारबाट सोह्रखुट्टेतर्फ गइरहेको बा १ ज २३०१ नम्बरको ट्याक्सीमाथि धारा गल्लीमा आगजनी भएको हो ।
प्रहरीका अनुसार २/३ जनाको समूहले गुडिरहेको ट्याक्सीलाई रोकेर कता जाने भन्दै सोधेका थिए । कुराकानीका क्रममा चालकलाई भित्रै राखेर उनीहरुले ट्याक्सीमा आगजनी गरेका थिए ।
डीएसपी सीताराम रिजालले अनलाइनखबरसँग भने-‘चालक भित्रै भएको अवस्थामा उनीहरुले पोको फालेर भागेपछि ट्याक्सी बल्न थालेको रहेछ ।’
ट्याक्सी बल्न थालेपछि चालकले भागेर ज्यान जोगाएका छन् । तर, ट्याक्सी पूर्णरुपमा जलेको छ ।
आगजनी गर्नेहरुको खोजी भइरहेको प्रहरीले जनाएको छ ।
आगजनीका थप तस्वीर हेर्नुस्
