२९ साउन, काठमाडौं । हिन्दुराष्ट्र माग गर्दै प्रदर्शनमा उत्रिएका राप्रपा नेपालका कार्यकर्ता संविधानसभा भवनतर्फ अघि बढ्न खोजेपछि बानेश्वरमा झडप भएको छ ।
राप्रपा नेपालले पार्टी अध्यक्ष कमल थापाको अगुवाइमा बबरमहलबाट जुलुस प्रदर्शन गरेको थियो । बानेश्वरमा पुगेपछि प्रदर्शनकारी अनियन्त्रित भएका थिए ।
कमल थापाले रोक्ने प्रयास गर्दा गर्दै आन्दोलनमा सहभागीहरुले निषेधित क्षेत्र तोडेका थिए । कमल थापाकै भाइ गणेश थापा आफ्नै निषेधित क्षेत्र तोड्न पुगेका थिए ।
प्रहरीले राखेको तार बार हटाएर उनीहरु बानेश्वर चोकसम्म पुग्दा पनि प्रहरीले सुरक्षा दिएको थियो । तर, अब संविधानसभा गेट फोड्ने भन्दै केही मानिसहरु संविधानसभाको गेटतर्फ अघि बढे, त्यसपछि प्रहरीले रोक्दा झडप भएको प्रत्यक्षदर्शीले बताए ।
प्रहरीले संविधानसभातर्फ अघि बढेको भिडलाई रोक्ने क्रममा झण्डै एक दर्जन अश्रुग्यास हान्नुका साथै प्रदर्शनकारीहरुलाई अन्धाधुन्द लाठी हानेको थियो ।
झडपका क्रममा राप्रपा नेपालका केन्द्रीय सदस्य चिरागमान सिंह कुावर र गोपाल दाहाल घाइते भएका छन् । राप्रपा नेपालका प्रवक्ता मोहन श्रेष्ठका अनुसार अन्य १७ जना प्रर्दशनकारी पनि घाइते भएका छन् ।
तस्वीरः विकास श्रेष्ठ/अनलाइनखबर
प्रतिक्रिया 4