विकास श्रेष्ठ
३० साउन, काठमाडौं । बैद्य नेतृत्वको नेकपा-माओवादीसहित दलहरुले निकालेको मसाल जुलुसका क्रममा भोटाहिटीमा प्रहरीसँग झडप भएको छ ।
नरदेवी क्षेत्रबाट सुरु भएको मसाल जुलुस भोटाहिटीमा पुगेपछि प्रहरीले रोक्दा झडप भएको थियो । मसाल बोकेकाहरु भोटाहिटीबाट रत्नपाकतर्फ अघि बढ्न खोजेपछि झडप सुरू भएको थियाे।
झडपका क्रममा प्रदर्शनकारीहरुले प्रहरीमाथि बलिरहेकाे मसालले हानेका थिए । त्यस क्रममा केही प्रहरीको शरीर अागाेले पोलेको छ ।
झडपका क्रममा आन्दोलनकारीले हानेको ढुंगा लागेर फोटो पत्रकार मेहन्त श्रेष्ठ र सुलभ श्रेष्ठ पनि घाइते भएका छन् ।
मसाल बाल्नेहरुलाई पक्राउ गरेको फोटो खिचेको भन्दै प्रहरीले पत्रकारलार्इ समेत लाठी हानेको थियाे । प्रहरीले १५ जनालाई पक्राउ गरेको छ ।
