कुबेतसीटी । नेपालीहरुको लागि पछिल्लो पटक बैदेशिक रोजगारीको केन्द्रबिन्दु मानिदै आएको खाडी मुलुक कुबेत बेला बखत नेपाली महिलाहरुको पीडादायिक खबरले तात्ने गर्दछ । विदेश गएर टन्न पैसा कमाउने सपना सजाएर बैदेशिक रोजगारीको शिलशिलामा कुबेत आएकी एक नेपाली चेलीले मानसिक सन्तुलन गुमाउन पुगेकी छिन ।
अनिशा बिक नाम गरेकी नेपाली चेली धन्नै डेढ बर्षदेखि कुबेत स्थित अलसभा अस्पतालमा उपचार गराउदै आएकी छिन । अनिशाको राहदानी नम्बरको आधारमा खोजी गर्दा उनी करिव सात बर्ष पहिला भारतीय मार्ग हुदै कुबेत आईपुगेको र उनको स्पोन्सर साउदी नागरिक रहेको पत्ता लागेको एनआरएनए कुबेतका उपाध्यक्ष झबिन्द्र प्रसाद बन्जाडेले जानकारी गराए ।
अस्पातलले दिएको सुचना अनुशार बिष सेवन गरी अचेत अबस्थामा अनिशालाई अस्पातल पुर्याईएको थियो । धन्नै २३/२४ बर्ष उमेरकी जस्ती देखिने अनिशाले आफ्नो नाम घर ठेगाना समेत प्रस्ट रुपमा भन्न सक्दिनन । घर ठेगाना सोध्दा कहिले सिन्धुपाल्चोक र कहिले पाल्चोक मात्र भन्ने गर्दछिन ।
आफ्नो घर परिवार आफन्त कसैको बारेमा बताउन नसक्ने अनिशा अबैधानिक रुपमा बिदेशी नागरिकसंग बस्दा मानसिक तथा शारीरिक पीडासंगै आफु अबैधानिक हुनुको पीरले बिष सेवन गर्न पुगेको हुनसक्ने बताइन्छ । अनिशाको बारेमा सबै कुरा नेपाली दुताबासलाई जानकारी गराईसकिएको उपाध्यक्ष् बन्जाडेले बताए ।
मानसिक सन्तुलन गुम्नाले अनिशा आफै केहि बताउन सक्दिनन आफन्ती कोहि सम्पर्कमा आएका छैनन त्यसैले उनी र उनको घर परिवारको बारेमा सबै कुरा जानकारी हुन् सकेको छैन ।
प्रतिक्रिया 4