२० माघ, काठमाडौं । सरकारले २२ उपसचिवहरुलाई सहसचिवमा बढुवा गरेको छ । बुधबार बसेको मन्त्रिपरिषद बैठकले लोकसेवा आयोगको सिफारिसअनुसार महालेखा परीक्षकका सुवर्णप्रसाद ढकालसहित २२ जना निजामति कर्मचारीलाई सहसचिवमा बढुवा गरेको हो ।
हेर्नुस् सहसचिवमा बढुवा भएकाहरुको सूची
यसैगरी मन्त्रिपरिषद बैठकले महासेनानीहरु सञ्जयसिंह भण्डारी, पदमकुमार आङदम्बे र जितबहादुर गुरुङलाई सहायक रथीमा बढुवा गरेको छ । यस्तै ताराविक्रम शाह, राजेन्द्र कार्की, राजु बस्नेत लगायतका पाँच जना सहायक रथीलाई सरुवा गरिएको छ ।
मन्त्रिपरिषद बैठकले चीनको सिचुवान प्रान्तमा महावाणिज्यदूतावास स्थापनार्थ चीनको सहमति लिनका लागि अनुरोध गर्न स्वीकृति प्रदान गर्ने निर्णय पनि गरेको बैठकपछि सूचना तथा सञ्चारमन्त्री शेरधन राईले जानकारी दिए ।
मन्त्रिपरिषद बैठकले सञ्चार नीतिको मस्यौदा बनाउन तीन सदस्यीय समिति पनि गठन गरेको छ।
प्रतिक्रिया 4