१३ वैशाख, काठमाडौं । क्रिष्टल प्यालेस एफए कप फुटबलको फाइनलमा पुगेको छ । र, अब उपाधिका लागि म्यानचेष्टर युनाइटेडसँग खेल्नेछ ।
आइतबार राति भएको खेलमा प्यालेसले वाटफोर्डलाई २-१ गोल अन्तरले पराजित गरेको छ ।
घरेलु मैदानमा भएको खेलमा क्रिष्टिल प्यालेसले छैटौं मिनेटमा यानिक बोलेजीको गोलबाट अग्रता लिएको थियो । तर, ५५ औं मिनेटमा वाटफोर्डले बराबरी गोल फर्कायो ।
६१ औं मिनेटमा विचहमले गोल गर्दै फेरि प्यालेसलाई अग्रता दिलाए । खेलमा थप गोल हुन सकेन । र, क्रिष्टल प्यालेस २-१ ले विजयी भएको छ ।
