सिंहदरबार घेराउका क्रममा संघीय गठवन्धनका कार्यकर्ताहरुले गाडी तोडफोड गरेका छन् । ठूलो संख्यामा तैनाथ प्रहरीले रोक्न नभ्याउँदै एक प्रदर्शनकारीले बा १ झ ३६१० नम्बरको सरकारी गाडी तोडफोड गरेका हुन् ।
बानेश्वरबाट आएको गाडी थापाथली मोडिने क्रममा आन्दोलनकारीले रोकेका थिए । यत्तिकैमा एक जनाले झण्डाको भाटोले गाडीको पछाडी सिसामा प्रहार गरेर झर्यामझुरुम फुटाइदिए ।
गाडी चालकले भित्र एक बिरामी महिला भएको बताइरहेका थिए । माइतिघरमा सयौंको संख्यामा प्रदर्शनकारी छन् । यद्यपि शिर्ष नेताहरु भने अहिलेसम्म देखिएका छैनन् । प्रहरी र प्रदर्शनकारीबीच मुठभेडको स्थिति आएको छैन ।
