शिल्पाको घृणामा पनि माया गर्ने सुदर्शन

भिडियो निर्देशक अनन्त तिमिल्सिनाले छोटो समयमै दर्जन बढी भिडियो निर्देशन गरिसकेका छन् । उनले निर्देशन गरेका केही भिडियो चर्चित पनि बनेका छन् । यसैविचमा, ‘परि २’ एल्बममा समावेश ‘तिमीले घृणा गरेपनि’ बोलको गीतको म्यूजिक भिडियो निर्देशन अनन्तले गरेका छन् । यो गीतमा प्रमोद खरेलको स्वर छ ।

पदम रोकायको शब्द तथा संगीत यो गीतमा छ । यो गीतको शब्दमा मिठास छ  । गीतको भिडियोमा नायिका तथा मोडल शिल्पा पोख्रेल र सुदर्शन चापागाइले मोडलिङ गरेका छन् । यूवतीले घृणा गर्दा पनि आफूले प्रेम गर्ने कुरालाई यो गीतमा उठान गरिएको छ ।

टेकेन शाहले सम्पादन गरेको भिडियोलाई रामकुमार केसीले छायांकन गरेका हुन् ।