३२ जेठ, काठमाडौं । भारत बिहारका एक सांसद व्यक्ति अपहरणको मुद्दामा जेल परेका छन् । लोक जनशक्ति पार्टीका सांसद रामा किशोर सिंहलाई छत्तीसगढको अदालतले ११ दिनका लागि न्यायीक हिरासतमा राख्न आदेश दिएको हो ।
सर्बोच्च अदालतको आदेशपछि सिंहले गत मंगलबार छत्तीसगढको दुर्ग जिल्लास्थित अदालतमा आत्मसर्पण गरेका थिए ।
सांसद सिंहमाथि दुर्ग जिल्लाको कुम्हारी इलाकास्थित २००१ मार्चा २९ मा एक पेट्रोलपम्प व्यवसायी जयचन्द वेदको अपहरण गरेको आरोप लागेको छ । जयचन्दलाई कारसहित अपहरण गरिएको थियो । डेढ महिनापछि उनको रिहाई भएको थियो । प्रहरीको भनाइअनुसार अपहरणमा प्रयोग भएको कार सांसद रामा किशोर सिंहको घरबाट बरामद भएको थियो ।
गत चुनावमा रामा किशोर सिंहले राजदको वरिष्ठ नेता रघुवंश प्रसाद सिंहलाई वैशाली लोकसभा चुनावमा हराउका थिए । त्यसलगत्तै रघुवंशले सिंहविरुद्ध पटना हाइकोर्टमा मुद्दा दायर गरेका थिए ।
प्रतिक्रिया 4