एनएमबि बैंकको ‘एक घर, एक खाता’ अभियान

३ साउन, काठमाडौं । एनएमबि बैंकले ‘एक घर, एक खाता’ योजना सुरू गरेको छ । योजनाको मुख्य उद्देश्य हरेक नेपालीको बैंकमा एक खाता होस् र हरेक नेपालीलाई सरल वित्तीय पहुँच पुगोस् भन्ने रहेका बैंकले जनाएको छ ।

‘आत्मनिर्भर नेपालको साथमा एनएमबि बैंक’ अभियानलाई नै निरन्तरता दिँदै बैंकले एक घर एक खाता योजना संचालनमा ल्याएको हो ।

योजनाले नेपालीमा वित्तीय साक्षरताको वृद्धि हुने, बचत गर्ने बानीको विकास हुने तथा हरेक नागरिकलाई वित्तीय प्रणालीमार्फत् कारोवार गराउन समेत टेवा पुग्ने बिश्वास बैंकले लिएको छ ।