१ भदौ, काठमाडौं । सरकारी स्वामित्वको दुग्ध विकास संस्थान (डिडिसी)को बालाजुस्थित प्रशोधन केन्द्रमा उपभोग्य म्याद गुजि्रएको ४ हजार बोरा अर्थात १ लाख किलो पाउडर दूध भेटिएको छ ।
आपूर्ति व्यवस्थापन तथा उपभोक्ता हित संरक्षण विभागले गरेको अनुगमनका क्रममा १ लाख किलो पाउडर दूधको बोरमा रि-लेभलिङ गरिएको भेटिएको हो ।
पहिलो राखिएको लेभलअनुसार पाउडर दूधको मिति नाघिसकेको देखिएकाले बालाजुस्थित प्शोधन केन्द्रमा शीलबन्दी गरिएको विभागका निर्देशक लक्ष्मण श्रेष्ठले जानकारी दिए । ‘प्याकेट दूधमा मिसाइने पाउडर दूधको म्याद नाघेको भेटाएको हो’ श्रेष्ठले भने, ठूलो परिणाममा भएकाले प्रयोग नहोस् भनेर शील गरेका हौं ।’
टोलीले पाउडर दूधको नमूना पनि लिएर आएको छ । परीक्षणबाट यो उपभोग गर्न अयोग्य ठहरिए यसलाई नष्ट गरिने उनले बताए ।
दूधको सुख्खा याम मानिने हिउँदमा प्याकेट दूधका लागि पाउडरको प्रयोग हुन्छ । त्यसका लागि मिति गुजि्रएको बोरामा नयाँ एक्पायरी डेट राखेर लेभल टाासिएको हुन सक्ने अनुगमन टोलीले बताएको छ ।
