१३ असोज, काठमाडौं । च्याम्पियन्स लिग फुटबलमा स्पेनिस क्याटलान बार्सिलोनाले लगातार दोस्रो जित हात पारेको छ ।
अर्जेन्टिनी स्टार लिओनल मेस्सीको अनुपस्थित रहेको बार्सिलोनाको टोलीले जर्मन क्लब बोरुसिया मोनचाङ्लेबाखलाई २-१ गोल अन्तरले हराएको छ ।
जर्मनीमा भएको खेलमा बार्सिलोनाले पहिलो हाफमा गोल खाएको थियो । ३४ औं मिनेटमा हजार्डले गोल गर्दै बोरुसिया मोनचाङ्लेबाखलाई सुरुवाति अग्रता दिलाए ।
तर, दोस्रो हाफमा बार्सिलोना खेलमा फर्कियो । ६५ औं मिनेटमा टुरानले बराबरी गोल गरे । ७४ औं मिनेटमा पिकेले गोल गर्दै बार्सिलोनालाई अग्रता दिलाए । खेलमा थप गोल हुन सकेन र बार्सिलोना विजयी भयो ।
जितपछि बार्सिलोना ६ अंकका साथ समूह सीको शीर्ष स्थानमा छ भने दोस्रो स्थानमा रहेको म्यानचेष्टर सिटीको ४ अंक छ ।
