२०७३ असोज १७ गते ९:४५ १७ असोज, ताप्लेजुङ । ताप्लेजुङमा मंसिर अन्तिम सातादेखि सर्वाधिक पुरस्कार राशिको दोस्रो पाथिभरा राष्ट्रिय पुरुष भलिवल प्रतियोगिता हुने भएको छ ।
ताप्लेजुङ जिल्ला भलिवल संघको आयोजनामा मंसिर २८ गतेदेखि पुस २ गतेसम्म सदरमुकाममा हुने सो भलिवल प्रतियोगितामा पाँच क्षेत्रिय टीम र तीन विभागिय टीम गरी आठ टीमको सहभागिता रहने ताप्लेजुङ जिल्ला भलिवल संघका उपाध्यक्ष विमल भण्डारीले बताए ।
ताप्लेजुङको पाथिभरा मन्दिरसहित पर्यटकीय क्षेत्रको प्रवद्धन गर्ने उद्धेश्यले आयोजना गर्न लागिएको सो भलिवल प्रतियोगिताको विजेताले नगद ३ लाख ३० हजार उप विजेताले १ लाख ६५ हजार पाउने आयोजकले जनाएका छन् । यस वर्ष सान्तवना स्वरुप एक टिमलाई ३५ हजार नगद समेत राखिएको छ ।
प्रतिक्रिया 4