१७ असोज, काठमाडौं । विहान झिसमिसे नै थियो । तर, थापाथलीमा मानिसहरु लाइनमा बसिसकेका थिए । दशैंको बेला मानिसहरु किन लाइन बसेको होला भन्ने जिज्ञासा देख्नेहरुलाई हुने नै भयो ।
लाइन राष्ट्र बैंकको मुल गेटमा रोकिएकाले थाहा भयो कि यो त नयाँ नोट लिने लाइन पो रहेछ । बिहान ८ नबज्दै यो लाइन निकै लामो भइसकेको थियो । र, प्रसुती गृह नजिक पुगिसकेको थियो । लाइनमा बसेकाहरु भन्दै थिए, ‘राति ४ बजेबाट नै लाइन बसेको ।’
दक्षिण कोरियामा रोजगारीमा जान भाषा परीक्षाको फर्म भर्न रातभर लाइन बसेको त देखिएको थियो । तर, नयाँ नोट साट्न राति नै लाइनमा बसेको पनि देख्न पाइयो ।
राष्ट्र बैंकले सर्वसाधारणका लागि आइतबारबाट नयाँ नोट सटहीको सुविधा दिएको छ ।
नयाँ नोट साट्नेहरुको लाइन हेर्नुहोस्
