ताजिकिस्तान र पाकिस्तानको बीचमा एउटो साघुँरो क्षेत्र फैलिएको छ, जुन अफगानिस्तानको भूमि हो । यो अफगानी गाउँमा तालिवानी विद्रोहीले आफ्नो नियम लादन संघर्ष गरिरहेका छन् ।
बाखान कोरिडोर भनिने यस गाउँमा १२ हजार गाउँले बस्छन् । ४५ सय मिटरको उचाइमा पर्ने उक्त क्षेत्रको भूभाग निकै विकट तथा कठिन छ ।
वाखान कोरिडोरमा बस्ने मानिसहरुलाई वाखी भनिन्छ । यिनीहरु निकै सामान्य तथा आनन्दको जीवन बिताइरहेका छन् । गाईवस्तु पाल्छन् । उनीहरुलाई अफगानिस्तानको केन्द्र सरकारको व्यवस्थाका बारेमा खासै जानकारी छैन ।
कतिपय गाउँलेलाई त अफगानिस्तानमा कुनैबेला तालिवान शासनमा थियो र अमेरिकी सेनाले हस्तक्षेप गर्यो भन्ने पनि थाहा छैन । तर, यो क्षेत्रमा हालैमात्र अफगान सरकारको ध्यान पुगेको छ र साहसिक पर्यटनका लागि पश्चिमा पर्यटकहरुलाई भित्राउन उत्प्रेरित गरिरहेको छ ।
यो क्षेत्रमा पुग्नका लागि द्वन्द्वग्रस्त क्षेत्र हुँदै जानुपर्दछ र निकै जीर्ण तथा पुरानो बाटोमा गाडी गुडाउनुपर्दछ ।
वाखी गाउँमा झण्डै २ हजार वर्षअघि वस्ती बसेको विश्वास गरिन्छ । यहाँका बासिन्दाको प्रमुख पेशा कृषि हो र सबैले चौरीगाई पालेका छन् । पर्वतीय क्षेत्रमा वर्षको ६ महिना हिउँ पर्छ ।
उक्त क्षेत्रको सबैभन्दा ठूलो पर्यटकीय आकर्षण भनेको पामिरी घर हो । उक्त परम्परागत घरलाई चिड भनिन्छ । ढुंगा र प्लास्टर प्रयोग गरी यस्ता घर बनाइन्छ र हरेक घरमा आत्मीक तथा परम्परागत विशेषता झल्काउने कलाको प्रयोग गरिएको हुन्छ ।
घरका हरेक कोठामा पाँचवटा पिल्लर हुन्छन् । पाँचवटा पिल्लरलाई इस्लाम धर्मका पाँच खम्बाको प्रतीकका रुपमा लिइन्छ । ग्राण्ड पामिर पर्वतीय क्षेत्रमा फिरन्ते वाखी आदिवासीहरु बस्छन् ।
प|mान्सेली फोटोग्राफर इरिक ल्याफोर्जले बाहिरी विश्वसँग कममात्रै परिचित यो क्षेत्रको गत अगष्टमा भ्रमण गरे । तस्वीरमा हेरौँ वाखीको मनमोहक दृश्य तथा परम्परा ।
डेलीमेलबाट साभार