२४ कात्तिक, काठमाडौं । अमेरिकामा नयाँ राष्ट्रपतिमा डोनान्ड ट्रम्प निर्वाचित भएको दिन नेपाली सेयर बजारमा २७ अंकको गिरावट आएको छ । तर, नेपाली बजार तिहारपछि लगातार ओराालो लागिरहेकाले ट्रम्पको जितलाई नै यसको कारण भने मानिएको छैन ।
आज अन्तर्राष्ट्रिय सेयर बजारमा पनि भारी गिरावट देखिएको छ । ट्रम्पको बिजयले जापानसहित युरोपेली देशमा पनि सोयर बजार ओरालो लागेको छ ।
डलरको मूल्य घटेको आजको दिनमा नेपाली सेयर बजारमा पनि गिरावट आएको हो । उसो त चल्तिमा रहेका ५ सय र १ हजार दरका नोटमा प्रतिवन्ध लगाएपछि भारतमा पनि सेयर बजार रातो भएको छ ।
तर, नेपाली बजारमा केही दिनदेखि नै लगातार दोहोरो अंकको गिरावट आइरेहको थियो । आज नेपाली बजार २७.६३ अंकले तल झर्दा १६९६ अंकमा आएर रोकिएको छ ।
आज दिनभरमा ६८ करोड ७३ लाख रुपैयाँ बराबरको सेयर किनबेच भयो । १ सय २७ कम्पनीका १० लाख २२ हजार कित्ता सेयर किनबेच भए ।
आज बजारमा सबै सूमहका सूचकहरु पनि रातो भएका छन् । बैंकिङ सूमह २५ अंकले झर्यो भने होटलमा ६३ अंकले गिरावट आयो । विकास बैंक ३५, जलविद्युत साढे ३७, फाइनान्स १०, बिमा १५८ र अन्य ११ अंकले रातो भएका छन् ।
सेयर बजार घटेपनि श्रृजना फाइनान्स, एनबी इन्स्योरेन्सलगायतका सेयरधनिले कमाएका छन् । मुक्तिनाथ विकास, वेष्टर्न डेभलपमेन्ट बैकलगायतका लगानीकर्ताले धेरै गुमाए । सेयर संख्यमा आधारमा सिभिल बैकको धेरै सेयर किनबेच भएको छ ।