२०७३ कात्तिक २८ गते ८:०६ 
२८ कात्तिक, काठमाडौं । विश्वकप छनौट फुटबलमा इटलीले लिकटेन्स्टाइनमाथि ४–० को शानदार जित हात पारेको छ । तर, समूहको शीर्ष स्थानमा भने उक्लन सकेन ।
स्पेनले मासेडोनियालाई ४–० ले नै हराएको छ र इटलीलाई पछि पार्दै समूह जीको शीर्ष स्थानमा छ ।
लिकटेन्स्टाइनको घरेलु मैदानमा भएको खेलमा इटलीले चारै गोल पहिलो हाफमा गरेको थियो । उसका लागि बेलोटीले दुई गोल गरे भने कान्ड्रेभा र इमोबालिले एक एक गोल गरे ।
यस्तै घरेलु मैदानमा भएको खेलमा स्पेनले उपहार गोलबाट लिएको थियो । ३४ औं मिनेटमा भेल्कोस्कीले आत्मघाती गोल गरे । बाँकी तीन गोल भने दोस्रो हाफमा भयो । उसका लागि माचिन परेज, मोनरेआर र एडुरिजले गोल गरे । शनिबार राति नै भएको समूह जीकै अर्को खेलमा इजरायलले अल्बानियालाई ३–० गोल अन्तरले हराएको छ ।
समूह चरणको चार खेल सकिँदा स्पेन १० अंकका शीर्ष स्थानमा छ । समान अंक जोडेको इटली गोल अन्तरका आधारमा दोस्रो स्थानमा छ भने इजरायल ९ अंकसहित तेस्रो स्थानमा छ ।
प्रतिक्रिया 4