१५ मंसिर, प्यूठान । सरकारले संसदमा दर्ता गरेको संविधान संशोधन प्रस्तावको विरोधमा प्यूठानमा प्रदर्शन भएको छ ।
पछिल्लो समय आन्दोलित भएका प्यूठानीहरु ५ नं. प्रदेशका पहाडी जिल्लाहरुलाई प्रदेश नं. ४ मा समावेश गरेको भन्दै आन्दोलनमा उत्रिएका हुन् ।
प्यूठानको खलंगा, बाग्दुला, विजुवार, भिंगृ, किमिचौर, बड्डाँडा, बाहाने, मच्छी लगायत क्षेत्रहरुमा टायर बालेर नारा जुलुससहित प्रस्तावको विरोध भइरहेको छ ।
जनताको भावना र चाहना विपरित संशोधन हुन लागेको सिमांकन आफूहरुलाई मान्य नहुने आन्दोलनकारीले बताएका छन् ।
प्यूठान जिल्लाका राजनीतिक दलहरुले संयुक्त संघर्ष समिति गठन गरेर आन्दोलनका कार्यक्रमहरु तय गर्दै आएका छन् ।
