१८ मंसिर, काठमाडौं । उपप्रधान एवं गृहमन्त्री विमलेन्द्र निधिले कांग्रेसका नेता चक्र बास्तोलाको स्वास्थ्य अबस्थाबारेे जानकारी लिएका छन् ।
पूर्वमन्त्री बास्तोला चार बर्षदेखि अचेत अवस्थामा छन् । उनलाई भेट्न गृहमन्त्री निधि भैंसेपाटीस्थित उनको निवासमा पुगेका थिए ।
माओवादीसंग १२ बुँदे सहमति गर्दा महत्वपूर्ण भूमिका निर्बाह गरेका नेता बास्तोला शारीरिक रुपमा असक्त हुँदा पार्टी र सिंगो मुलुकका लागि नोक्सानी भएको गृहमन्त्री निधिले बताएका छन् ।
परिवारका सदस्यहरुका अनुसार नेता बास्तोलालाई पाइपद्धारा खाना खुवाउने व्यबस्था मिलाइएको छ । झोलिलो पदार्थका साथै नरम खानेकुरा खुवाइएको छ ।
घरमै आएर नर्सहरुले नियमित रुपमा उहाँको हेरबिचार गर्ने व्यबस्था मिलाइएको छ । नर्सहरुले हरेक दिन फिजियोथेरापी गराउने गरेका छन् । फिजियोथेरापीपछि हरेक बिहान ९ बजे हृवीलचेयरमा राखेर घर बाहिर डुलाउने गरिएको छ ।
चार बर्षअघि विराटनगरमा आयोजित एक कार्यक्रमका क्रममा लडेर अचेत भएपछि उनलाई भारतमा उपचार गरिएको थियो । पछिल्लो समय घरमै राखेर उपचारको व्यबस्था मिलाइएको छ ।