२० मंसिर, काठमाडौं । नेपालमा मोबाईल फोन आयात गर्ने ब्यवसायीहरुको छाता संघठन मोबाईल फोन ईम्पोर्टस् एसोशिएसन गठन भएको छ । यो कम्पनी रजिस्टार्डको कार्यालय र समाज कल्याण परिषदमा दर्ता भएको छ ।
ब्यवसायिक सुरक्षा र यस क्षेत्रमा रहेका चुनौति एकसाथ समाना गर्न भन्दै मोबाइल फोन इम्पोर्टस् एसोसिएशन गठन भएको संस्थाले जनाएको छ ।
‘यो क्षेत्रलाई मर्यादित र जिम्मेवर बनाउन र बजारमा नक्कली तथा अबैध आयात रोक्न सम्बन्धित निकायलाई ध्यानाकर्षण गर्न संघ खोलिएको हो ‘ विज्ञप्तिमा भनिएको छ ।
हाल देशभर ४००० जति स-साना ब्यापारी र उनका परिवार यस मोबाइल फोन क्षेत्रमा आश्रित छन् । संगठनका सदस्य फर्महरुमा प्रत्यक्ष ३२ सय जना जति युवा युवतीहरुले रोजगार प्राप्त गरिरहेका छन् ।
आर्थिक वर्ष २०७२/७३ मा यस संघका सदस्यहरु भ्याटबापत १६५ करोड, संस्थागत आयकर बापत २० करोड र अन्य अप्रत्यक्ष करहरुबाट गरी २ अर्ब बराबरको राजश्व राज्यलाई तिरिएको संघले जनाएको छ ।
