धादिङको भूमेस्थानमा जीप दुर्घटना, तीनको मृत्यु

१ पुस, धादिङ । लमजुङबाट काठमाडौं जाँदै गरेको स्कारपियो जीप पृथ्वी राजमार्ग अन्तर्गत धादिङ भूमेस्थान ६ कोइराले डाँडामा दुर्घटना हुँदा ३ जनाको घटनास्थलमै मृत्यु भएको छ ।

आज बिहान करीव ६ बजे महादेववेसी नजिकै कोइराले डाँडामा ग २ च ४५७२ नम्बरको स्कारपियो जीप सडकबाट करीव १०० मिटर खसेको जिल्ला ट्राफिक कार्यालय धादिङले जानकारी दिएको छ ।

दुर्घटनामा जीवमा सबार सबै चालकसहित दुई पुरुष र एक महिलाको मृत्यु भएको छ ।

मृत्यु हुनेमा चालक लमजुङ गाउँशहर ६ का २५ बर्षीय माधव धिताल र लमजुङ चण्डीस्थान ७ का ३१ बर्षीय बिष्णु बहादुर राउतको सनाखत भएको छ ।

मृत्यु हुने एक महिलाको पहिचान नखुलेको ट्राफिक कार्यालय धादिङले जनाएको छ ।

गुल्मीमा ट्रकले च्यापेर एक व्यक्तिको ज्यान गयो