५ पुस, काठमाडौं । द्वन्द्वग्रस्त सुडानमा अपहरणमा परेका दुई नेपाली झण्डै एक महिनापछि सकुशल रिहा भएका छन् ।
संयुक्त राष्ट्रसंघको शरणार्थीसम्वन्धी नियोगका कार्यरत दुई नेपाली सरुन प्रधान र रमेश कार्की सहित तीन जना अपहरणमा परेका थिए ।
प्रधान र कार्कीसँगै मुसा ओमार मुसा मोहम्मदलाई अज्ञात समूले नोभेम्बर २७ मा जनियनाबाट अपहरण गरेको थियो ।
अपहरणमा परेका तीनै जना रिहा भएका छन् ।
राष्ट्रसंघको शरणार्थीसम्वन्धी नियोगले सुडान सरकार र रिहाईका लागि भूमिका खेल्ने सबैलाई धन्यवाद दिएको छ ।
साथै आफूहरुले रिहा भएकाहरुको स्वास्थ उपचार र हेरचाहलाई प्राथमिकता दिएको बताएको छ ।