७ पुस, काठमाडौं । पूर्व प्रधानमन्त्री एवं नयाँ शक्ति नेपालका संयोजक डा. बाबुराम भट्टराईले पश्चगामी ध्येयका साथ पूर्वराजा ज्ञानेन्द्रको अभिव्यक्ति आएको बताएका छन् ।
साथै उनले यसको सबै अग्रगामी शक्तिले प्रतिवाद गर्नु पर्ने बताएका छन् ।
भट्टराईले बाह्य शक्ति केन्द्र धाउँदै हिड्ने ज्ञानेन्द्रले राष्ट्रियताको दुहाई दिनु पाखण्डपूर्ण भएको समेमत बताएका छन् । उनले ट्वीट गरेका छन्, शाहवंशले मात्र नेपाल आर्जेको, अरु गोर्खाली सुतेको हो त ?
बाह्य शक्तिकेन्द्र धाउँदै हिड्ने ज्ञानेन्द्रले राष्ट्रियताको दुहाइ दिनु पाखण्डपूर्ण छ।शाहवंशले मात्र नेपाल आर्जेको,अरू गोरखाली सुतेको हो त?
— Baburam Bhattarai (@brb1954) December 21, 2016
उनले अर्को ट्वीटमा भनेका छन्, इतिहासमा क्रान्तिपछि राजालाई यसरी चैनसाथ बस्ने र हाकाहाकी प्रतिक्रान्तिको धम्की दिने छुट कतै दिएको देखिन्न । ज्ञानेन्द्रलाई त्यो छुट कहिलेसम्म ?
इतिहासमा क्रान्तिपछि राजालाई यसरी चैनसाथ बस्ने र हाकाहाकी प्रतिक्रान्तिको धम्कीदिने छुट कतै दिएको देखिन्न।ज्ञानेन्द्रलाई त्यो छुट कहिलेसम्म?
— Baburam Bhattarai (@brb1954) December 21, 2016
पूर्वराजा ज्ञानेन्द्रले बुधबार साँझ विज्ञप्ति निकालेर बाह्य शक्तिको अनुचित प्रभाव बढेको र क्रान्तिकारी, प्रतिवर्तनकारी जस्ता शब्दको प्रयोग गरेर राष्ट्रलाई कमजोर बनाउने काम भएको बताएका थिए ।
