शीर्ष नेता बैठकमा आएनन्, संसद बैठक सूचना टाँसेर स्थगित

१८ पुस, काठमाडौं । विपक्षीको अवरोधका कारण दुई घन्टाका लागि स्थगित भएको संसद बैठक सूचना टाँसेर स्थगित हुने भएको छ ।

सोमबार १ बजेका लागि बोलाइएको बैठकमा एमालेसहितका विपक्षी दलहरुले अवरोध गरे । सभामुख ओनसरी घर्ती मगरले ३ घन्टाका लागि बैठक स्थगित गरेर शीर्ष नेताहरुसहित कार्यव्यवस्थाको बैठक बोलाइन् । तर, कार्यव्यवस्थामा शीर्ष नेताहरु आएनन् ।

बैठकमा शीर्ष नेताहरुसहितको बैठक भोलि विहान ११ बजे र संसद १ बजेका लागि राख्ने सहमति भएको छ ।

अब संसद सचिवालयले संसद बैठक भोलिसम्मका लागि स्थगित भएको सूचना टाँस्ने तयारी गर्दैछ ।