१४ माघ, काठमाडौं । माघे जाडोलाई मैजारो गर्ने सिमसिम पानीले शुक्रवार राजधानी काठमाडौंबासीको दैनिकीलाई सामान्य प्रभावित पार्यो । सिमसिम पानी र अचानक बढेको चिसोले विद्यार्थी, बटुवा र आम जनजीवन खल्बलियो । सम्भवतःवर्षकै अन्तिम जाडोको दिन थियो ।
‘गुड फ्राइडे’को मुडमा रहेकाहरुका लागि सिमसिम पानी, धुम्मिएको मौसम र अन्तिम जाडो बहाना पनि बनेको छ । सिमसिम पानीको मौसममा राजधानी काठमाडौंको जनजीवनलाई फोटो पत्रकार कविन अधिकारीले तस्विरमा उतारेका छन् ।
काठमाडौं उपत्यकासहित पश्चिमी भेगमा हल्का पानीसमेत परेको छ । उच्च हिमाली भेगमा हिमपात भएको छ । पानी र हिमपातका कारण केही चिसो महसुस भए पनि अब जाडो हराउने मौसमविदको दाबी छ ।
