नेपाली चलचित्रमा मात्र नभई, नायिका स्वेता खड्काको यात्रा अहिले समाजसेवा र व्यवसायमा पनि एकसाथ अगाडि बढिरहेको छ । व्यवसायमा समेत स्वेता एक शक्तिशाली महिलाको रुपमा स्थापित हुँदैछिन् ।
२ बर्ष अगाडि नायक श्रीकृष्ण श्रेष्ठको निधन भएपछि स्वेताको अनुहारबाट लामो समयसम्म मुस्कान हरायो । तर, स्वेता अहिले श्रीकृष्णलाई संझदै मुस्कान फर्काउने कोशिशमा लागिरहेकी छिन् । चलचित्र निर्माण, व्यवसाय र समाजसेवामा एकसाथ अगाडि बढ्दै स्वेता आफ्नो अनुहारमा खुशी ल्याइरहेकी छिन् । 
सिन्धुपाल्चोकको एक विकट गाउँमा पुग्दा स्वेताले प्रकृतीसँग रमाउने कोशिश गरिन् । फागुण महिनामा फुल्दै गरेका तोरीको सौन्दर्यतामा स्वेताले आफ्नो सुन्दरता पस्किइन् ।
अनलाइनखबरको क्यामेरामा तोरी बारीमा विभिन्न पोजमा तस्बिर खिचाउने क्रममा स्वेताको मुहारमा फर्किएको मुस्कान स्पष्ट झल्कन्थ्यो । स्वेता नायक दयाहाङ राइको साथमा चलचित्र ‘कान्छी’मा अभिनय गर्दैछिन् । आकाश अधिकारीले निर्देशन गर्ने यो चलचित्रलाई स्वेताले नै निर्माण गर्दैछिन् । 
तस्बिरः कमल प्रसाई
स्वेतासँग गरिएको ‘भ्यालेन्टाइन टक’ यहाँ हेर्नुहोस्ः
स्वेता पुग्दा सिन्धुपाल्चोकमा नेता जस्तै स्वागत, भिडियो यहाँ हेर्नुहोस्ः
स्वेतासँग गरिएको ‘मस्ती टक’को भिडियो यहाँ हेर्नुहोस्ः
