चलचित्र ‘क्याप्टेन’को सफलताले उत्साहित नायिका उपासना सिंह ठकुरी अब नयाँ चलचित्र सोचेर मात्र गर्ने बताउँछिन् । उनलाई चलचित्र ‘कबड्डी ३’बाट अफर भने आइसकेको छ ।
तर, उनले अहिलेसम्म चलचित्रमा काम गर्ने वा नगर्ने बताएकी छैनन् । उपासना सिंह ठकुरी चलचित्रबाट राम्रो तारिफ पाएपछि अहिले फेसनमा पनि विशेष ध्यान दिन थालेकी छिन् । दर्शकले दिएको मायाले उत्साहित उनी ‘क्याप्टेन’को विशेष शोमा पुगेकी थिइन् ।
क्यामेरा फेस गर्न समेत सिपालु रहेकी उपासना अहिले नै यो क्षेत्रमा आउने सोच आफ्नो नभएको सुनाउँछिन् । तर, अब भने आफूलाई चलचित्रमा निरन्तर लाग्नुपर्छ भन्ने सोच आएको उनले सुनाइन् ।
तस्वीरः शंकर गिरी