चुलिवन पर्यटन योजनाको काम तीव्र

धनकुटा सदरमुकामबाट एक किलोमिटर टाढा रहेको पर्यटकीय क्षेत्रमा विसं २०६८ सालदेखि हालसम्म लगातार भौतिक संरचना निर्माण कार्य गरिरहेको छ । नगरपालिकाले विशेष कार्ययोजना निर्माण गरेपनि विगत दुई वर्षदेखि काम हुन सकेको थिएन । यो वर्षदेखि पर्यटन गुरु योजनाको काममा निरन्तरता दिइने धनकुटा नगरपालिकाका कार्यकारी अधिकृत तीर्थ धितालले बताए ।

विनियोजन गरिएको सो क्षेत्रमा तीन सामुदायिक वन समितिको संरक्षण भएका कारण विगत वर्षमा कार्यक्रम सञ्चालन हुन सकेको थिएन । विगत वर्षमा सामुदायिक वनसँगको सहकार्यमा रकम खर्च गरेपनि कार्ययोजना कार्यान्वयनमा कठिनाई भएको थियो ।

गत वर्षमा रु ९० लाख बरावरको योजना कार्यान्वयन हुन नसकेका कारण यो वर्षदेखि ‘रामलिहाङ÷रिदिमा चुलिवन पर्यटन क्षेत्र’ नामक संस्थाको सहकार्यमा काम गर्ने सहमति भएको कार्यकारी धितालले जानकारी दिए ।

पर्यटकीयस्थलमा मन्दिर, बाटो, रेलिङ, पार्कलगायत निर्माण कार्यले तीव्रगति पाएको छ । चुलिवन पर्यटन गुरुयोजना नेपाल पर्यटन बोर्डमार्फत समेत कार्यक्रम प्रस्ताव गर्ने योजना रहेको नगरपालिकाले जनाएको छ ।