रुखले किचेर पाँचथरमा एकको मृत्यु
रविन भट्टराई
१९ फागुन, ताप्लेजुङ । रुख काट्ने क्रममा पाँचथरको फिदिममा सोही रुखले किचेर ताप्लेजुङका एकजनाको मृत्यु भएको छ ।
मृत्यु हुनेमा ताप्लेजुङ दोखु बस्ने ४२ बर्षीय हेम कुमार पालुङवा छन् ।
फिदिम नगरपालिका १ बस्ने आइतराज केरुङले सोहि ठाँउ बस्ने बन्धना मोक्तानको घरमा रहेको काभ्राको रुख काट्ने क्रममा उक्त रुख लडेर पालुङवालाई किचेको थियो ।
घाइते पालुङवाको जिल्ला अस्पताल फिदिममा उपचारको क्रममा बुधबार बेलुका मृत्यु भएको जिल्ला प्रहरी कार्यालय पाँचथरले जनाएको छ ।
रुख धनी मोक्तान र रुख काट्ने केरुङलाई प्रहरीले पक्राउ गरी कारबाही प्रक्रिया सुरु गरेको छ ।
