७ चैत, गुल्मी । माध्यामिक शिक्षा परीक्षा दिन गुल्मीको रिडि आएका एक विद्यार्थी कालीगण्डकीमा पौडी खेल्ने क्रममा बेपत्ता भएका छन् ।
ठूलो लुम्पेकका चेतन सिंज्याली पौडी खेल्दाखेल्दै बेपत्ता भएको इलाका प्रहरी कार्यालय रिडीले जनाएको छ ।
सिंज्यालीसँगै चार जना परीक्षार्थी आइतबार दिउँसो पौडी खेल्न कालीगण्डकी गएका थिए । पौडी खेल्ने क्रममा चेतनलाई अचानक खोलाले बगाएको प्रतक्ष्यदर्शीले बताएका छन् ।
चेतनको खोजी भइरहेको प्रहरीले जनाएको छ । अनिल खत्रीबाट