२०७३ चैत १३ गते १७:५३ 
१३ चैत, काठमाडौं । अष्ट्रेलियाबिरुद्धको चौथो तथा निणर्ायक टेष्टको दोस्रो दिन ब्याट्सम्यानहरुको प्रदर्शन सामान्य रहँदा भारतले ६ विकेट गुमाएर २४६ रन जोडेको छ । पहिलो इनिङमा भारत अझै ५२ रनले पछाडि छ ।
टस जितेर ब्याटिङ गरेको अष्ट्रेलिया पहिलो दिनको एक ओभर बाँकी रहँदा ३०० रनमा समेटिएको थियो ।
दोस्रो दिनको सुरुमै ओपनर मुरली बिजयलाई गुमाएको भारतका लागि अर्का ओपनर केएल राहुल र चेतेश्वर पुजाराले ८७ रनको साझेदारी गरे । राहुल ६० रनको व्यक्तिगत स्कोरमा आउट हुँदा पुजाराले पनि ५७ रनमात्र बनाउन सके ।
अष्ट्रेलियाका स्पिनर नाथान ल्योनले चार विकेट लिँदा भारतीय ब्याट्सम्यानहरुले ठोष साझेदारी गर्न सकेनन् । कोहलीको अनुपस्थितिमा कप्तानको भूमिकामा रहेका अजिंक्या राहणेले पनि ४६ रनमात्र बनाउन सके । रविचन्द्रन आश्विनले पनि ३० रन जोडे ।
दोस्रो दिनको समाप्तिसम्म भारत २४८/६ को स्थितिमा छ भने रविन्द्र जडेजा १६ र ऋद्धिमान शाह १० रनमा क्रिजमा छन् ।
प्रतिक्रिया 4