बिहे भन्ने कुरा जिन्दगीको सबैभन्दा महत्वपूर्ण क्षण भएरै होला बिहेका विषयमा विभिन्न रितिरिवाज चर्चामा आउँछन् अनि यो महत्वपूर्ण क्षणलाई यादगर बनाउनका लागि मानिसहरुले कुनै कसर बाँकी राख्दैनन् ।
हाम्रो देश तथा छिमेकी भारतमा समेत बिहेमा दाइजो प्रथा कायम छ । यस्ता बाबुआमाहरु पनि छन् जसले दाइजोका लागि आफ्नो छोराको मोलमोलाई गर्छन् । अनी यस्ता बाउआमाहरु पनि छन् जसले दाइजो दिने औकात नभएकै कारण छोरी पाउने हिम्मत गर्न सक्दैनन् । भारतीय समाजमा कलंकको रुपमा रहेको दाइजो प्रथाको बीचमा छत्तिसगढका एक बेहुलाले दाइजोमा यस्ता चिज मागे की बेहुली पक्षको आँखा खोलिदियो ।
प्रशान्त महतो नामका ती युवकले आफ्नो बिहेको कार्डमा निकै फरक तरिकाको माग राखेका थिए । उनले नगद, गाडी, घर आदि दाइजो मागेका थिएननु, उनले पूराना किताबहरु मागेका थिए ।
बिहेमा दाइजो तथा उपहारको रुपमा जम्मा हुने पूराना किताबहरु त्यस्ता गरीब विद्यार्थीहरुल्ाई बाँड्ने उनको योजना छ, जोसँग किताब किन्ने पैसा पनि हुँदैन ।
प्रशान्त एक संस्था चलाउँछन्, जसले गरीब विद्यार्थीहरुको शिक्षामा सहयोग गर्दै आएको छ । अहिलेसम्म उक्त संस्थाले ५० हजार भन्दा धेरै पुस्तक जम्मा गरेर विद्यार्थीहरुसम्म पूराइसकेको छ । प्रशान्तको टीममा ५ सय जना सहयोगी युवायुवती छन् । उनीहरुले छत्तिसगढका ८ सय ५० भन्दा धेरै स्कुले विद्यार्थीलाई सहयोग गरिसकेका छन् ।
एजेन्सी
