२ जेठ, काठमाडौं । दलहरुबीच विवादका कारण कीर्तिपुर नगरपालिकाको मतगणना रोकिएको छ । वडा नम्बर २ को मतगणना सकिएपछि कांग्रेसले पुन मतगणनाको माग गरेकाले विवाद भएको हो ।
वडा नम्बर २ को वडाध्यक्षमा एमालेले ३६ मतले जितेकोमा नेपाली कांग्रेसले ७ मतले मात्र जितेको भन्दै पुनःमतगणना माग गरेको हो ।
कांग्रेसले गणना बहिस्कार गरेर हिडेपछि अरु दलका प्रतिनिधि पनि पहिले कांग्रेसलाई मनाउँ भन्दै निस्केपछि गणना स्थगित भएको गणनास्थलबाट एमालेका केन्द्रीय सदस्य सुरेन्द्र मानन्धरले बताए ।
वडा नम्बर १ मा यसअघिनै एमालेले जितिसकेको छ । अब पुनः दलहरुबीच छलफल गरेर गणना थालिने निर्वाचन आयोगले जनाएको छ ।
