Comments Add Comment

डाइट चार्टः यसरी घटाउन सकिन्छ तौल

 

बढ्दो तौल कसरी नियन्त्रण गर्ने ? धेरैको टाउको दुखाईको बिषय हो यो । अनियन्त्रित रुपमा बढेको तौलले शरीरलाई भद्दा मात्र देखाउँदैन, रोग समेत निम्त्याउँछ । शरीर चुस्त र फूर्तिलो देखिदैन । त्यही कारण बढ्दो तौल घटाउन कोहि खानपानमा कटौती गर्छन् त कोहि जिम धाउँछन् ।

खानपानमा कटौती गरेर तौल नियन्त्रण हुँदैन । बरु, यसले अरु शारीरिक समस्या पैदा गर्छ । त्यसैले खानपान कटौती गर्ने होइन, तर त्यो सन्तुलित भने हुनुपर्छ । अतः यहाँ सात दिनको लागि डाइट चार्ट दिइएको छ, जसले तौल घटाउन सहयोग गर्छ । केवल सात दिनमा तपाईले नियमित यो डाइट चार्ट फलो गरेर आफ्नो तौल नियन्त्रण गर्न सक्नुहुनेछ ।

पहिलो दिन

पहिलो दिन तपाईले केवल फल मात्र सेवन गर्नुपर्नेछ । कुनै किसिमको अन्न, कोल्ड डि्रंक सेवन गर्नु हुँदैन । संभव भएसम्म खरबुजा सेवन गरौं । केरा भने लाभदायक हुँदैन ।

१. विहान ८ वा ९ बजेभित्र दुई गिलास पानी र एउटा स्याउ सेवन गरौं ।

२. १० र ११ बजेको बीचमा दुई गिलास पानी र एक कचौरा मेवा वा खरबुजा खाने ।

३. मध्यन्ह एक बजे दुई गिलास पानी र एक कचौरा मेवा खाने ।

४. चार बजे एक गिलास पानी, एउटा स्याउ सेवन गर्ने ।

५. साँझ एक गिलास नरिवल पानी पिउने ।

६. रातको खानामा एक गिलास पानी र स्याउ लिने ।

दोस्रो दिन

दोस्रो दिन पानी र सब्जीलाई प्राथमिकता दिनुपर्छ ।

१. नास्तामा उसिनेको आलु र एक गिलास पानी सेवन गर्ने ।

२. १० देखि ११ बजेभित्र काँचो बन्दा एक कचौरा र एक गिलास पानी सेवन गर्ने ।

३. मध्यन्ह एक वा दुई बजे एक गोलभेडा, कांक्रा, आधा चुकन्दर र दुई गिलास पानी सेवन गर्ने ।

४. चार बजे गोलभेडा र एक गिलास पानी  सेवन गर्ने ।

५. साँझको खानामा एक गिलास सुप र सब्जीको जुस, पानी सेवन गर्ने ।

६. रातको खानामा थोरै नुन हालेर उसिनेको लौका सेवन गर्ने, एक गिलास पानी पिउने ।

तेस्रो दिन

तेस्रो दिन फल र सब्जी मिसाएर सेवन गर्नुपर्छ । यद्यपी आलु र केरा सामेल गर्नु हुँदैन ।

१. नास्तामा एक गिलास पानी र स्याउ लिने ।

२. १० वा ११ बजे दुई गिलास पानी र एक कचौरा मेवा सेवन गर्ने ।

३. १ वा दुई बजेभित्र एक गिलास पानी, एउटा कांक्रा र आधा चुकन्दर लिने ।

४. चार बजे एक गिलास पानी र खरबुजा सेवन गर्ने ।

५. साँझ उसिनेको सब्जी र दुई गिलास पानी पिउने ।

६. रातको खानामा उसिनेको लौका, पानी सेवन गर्ने ।

चौथो दिन

चौथो दिन तर नभएको दुध सेवन गर्नुपर्छ । यससँगै केरा पनि सेवन गर्न सकिन्छ ।

१. नास्तामा एक गिलास पानी, आधा गिलास दुध र एउटा केरा सेवन गर्ने ।

२. १० बजे पानी र एउटा केरा खाने ।

३. एक बजेदेखि २ बजेभित्र एक गिलास पानी, दुध र केरा सेवन गर्ने ।

४. चार बजे पानी र एउटा केरा खाने ।

५. साँझ ६ बजे पानी र एउटा केरा खाने ।

६. रातको खानामा पानी र आधा गिलास दुध सेवन गर्ने ।

पाँचौ दिन

पाँचौ दिन गोलभेडा र चामल सेवन गर्न सकिनेछ ।

१. नास्तामा कुकरमा पकाएको एक कचौरा भात र एक गिलास पानी लिने ।

२. १० बजे २ वटा गोलभेडा र एक गिलास पानी लिने ।

३. एक बजे एक कचौरा भात, गोलभेडाको अचार र पानी सेवन गर्ने ।

४. चार बजेको समयमा दुई वटा गोलभेडा थोरै नुनमा मिसाएर सेवन गर्ने ।

५. साँझ कागती र नुन मिसाएको पानी पिउने ।

६. रातीको खानामा एक कचौरा भात, दुई गिलास पानी पिउने ।

छैठौं दिन

छैंठौ दिन चामल र सब्जी सेवन गर्नुपर्छ । यस दिन आफ्नो मर्जी अनुसार सब्जी पकाउन सकिन्छ ।

१. नास्तामा कुकरमा पकाएको एक कचौरा भात र पानी लिने ।

२. दुई गोलभेडा र एक गिलास पानी पिउने ।

३. एक बजे एक कचौरा भात र सब्जी लिने ।

४. चार बजेको समयमा एक कांक्रा र पानी सेवन गर्ने ।

५. साँझ एक गिलास पानीमा कागती र नुन मिसाएर सेवन गर्न सकिन्छ ।

६. रातीको खानामा उसिनेको चुकन्दर, कांक्रा, गाजर, गोलभेडा, बन्दामा थोरै नुन मिसाएर सेवन गर्न सकिन्छ ।

सातौ दिन

सातौ दिन भात, फल र जुस सेवन गर्नुपर्छ ।

१. नास्तामा एक कचौरा भात, एक गिलास पानी सेवन गर्ने ।

२. दश बजे दुई वटा गोलभेडा र पानी पिउने ।

३. एक बजे एक कचौरा भात र सब्जी तथा पानी सेवन गर्ने ।

४. चार बजे कांक्रा र एक गिलास पानी सेवन गर्ने ।

५. साँझको समयमा एक गिलास फलफूलको जुस पिउने ।

६. रातको खानामा उसिनेको चुकन्दर, कांक्रा, गाजर, गोलभेडा, बन्दामा नुन मिसाएर सेवन गर्ने ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment