करिश्माले भनिन्-‘ बिनोद मेरो लोग्ने होइनन्, साथी मात्र हुन्’

नेपाली चलचित्रकी सुन्दरी नायिका एवं नयाँ शक्ति नेपालकी केन्द्रिय सदस्य करिश्मा मानन्धरले आफ्ना श्रीमान् विनोद मानन्धरका कारण अहिलेको स्थानिय निर्वाचनमा मतदान गर्न नपाएको बताएकी छिन् । चलचित्र पत्रकार संघ, दाङले आइतबार तुलसीपुरमा आयोजना गरेको साक्षात्कारमा नायिका मानन्धरले भनिन्-‘मलाई धेरै दुःख लागेको छ ।

स्थानिय तहको निर्वाचनमा भोट हाल्न नपाउँदा मताधिकार प्रयोग गर्न पाइनँ । मेरो विनोद लोग्ने होइनन्, साथी मात्र हुन् । तर, सबै कुरामा उनीमाथि भरपर्दा मैले धोका पाएँ । फेसबुकमा लेखेर उनलाई सचेत गराएकी हुँ ।

करिश्माले प्रेस सोसाइटी नेपालले घोराहीमा आयोजना गरेको कार्यक्रममा भनिन्-‘उनी मेरो होस्टेल वार्डेन हुन् । मैले चढ्ने कार पनि उनले नै सर्भिस गर्छन् ।’ यस्तै, तुलसीपुरमा आयोजित पत्रकार भेटघाटमा उनलाई संचारकर्मीले आफ्नो मतदाता नामाबली कहाँ छ भन्ने जानकारी लिनु तपाइको दायित्व होइन भनेर सोधेका थिए । जहाँ, उनले भनिन्-‘बिहे भएको २७ बर्ष भयो । चार बर्ष अमेरिका बसेर म नेपाल फर्किएकी हुँ । तर, मेरा पतिले मलाई बच्चा जस्तो व्यवहार देखाएछन्, उनलाई डर देखाउनका लागि मैले फेसबुकमा लेखेकी हुँ । उनी साह्रै डराएका छन् ।’

यस्तै, करिश्माले स्थानिय तहको निर्वाचनमा पार्टीको नजिषा सन्तोषजनक भएको समेत बताइन् । उनले भनिन्-‘मुलकुको वैकल्पिक शक्तिको रुपमा नयाँ शक्तिको उदय चाडै नै हुनेछ । राजनीतिमा चलचित्रका नायिकाहरु आउनेक्रम बढेपछि यसतर्फ आकर्षण बढेको उनको भनाई छ ।