२८ जेठ, गुल्मी । नेकपा एमालेका सचिव गोकर्ण बिष्टले दैनिक प्रशासनिक काम छाडेर नेताहरुको चाकरी नगर्न सुझाव दिएका छन् ।
कर्मचारीले आफ्नो काम छोडेर सत्ता रिझाउन थाले प्रशासन बिग्रने उनको भनाइ छ ।
आइतबार निजामति कर्मचारी संगठन जिल्ला कार्यसमितिले प्रकाशन गरेको ‘हामी राष्ट्र सेवक’ नामक स्मारिका गुल्मीमा बिमोचन गर्दै नेता बिष्टले नेपालको मूल्यांकन प्रणाली र राजनैतिक प्रवृति गलत भएका कारण कर्मचारी नेताको चाकडीको चक्करमा फसेको बताए ।
पूर्वमन्त्री समेत रहेका विष्टले कर्मचारी प्रशासनलाई राजनैतिक आग्रह पूर्वाग्रहभन्दा बाहिरै राख्नुपर्ने धारणा राखे । ‘कर्मचारी सत्ता निकट नभए नेटो कटाउने चलन छ,’ उनले भने, ‘यो मनोवृति रोकिनुपर्छ । केहि वर्ष लगाएर भएपनि हामी हटाउँछौं ।’
निजामती कर्मचारी र राजनीति एकअर्काका परिपूरक भएकाले सम्बन्ध अझ मजबुद बनाउनसके समृद्ध नेपाल असम्भव नहुँने बिष्टको भनाइ थियो ।
-अनिल खत्रीबाट
प्रतिक्रिया 4