२९ जेठ, काठमाडौं । साझा पार्टीले इटहरी उपमहानगरपालिकाको मेयरमा डा. तारा काफ्लेलाई उम्मेदवार बनाएको छ । उपमेयरको टिकट प्रकाशचन्द्र परियारले पाएका छन् ।

काफ्ले प्राध्यापन र समाजसेवामा संलग्न छिन् । इटहरी उपमहानगरपालिका वडा नम्बर ५ निवासी ३८ वर्षीया काफ्लेले जनसंख्या तथा जनस्वास्थ्य विषयमा स्नातकोत्तर र सामुदायिक चिकित्सामा काशी हिन्दु विश्वविद्यालयबाट विद्यावारिधि गरेकी छिन् ।

त्यसैगरी परियार पत्रकार महासंघको पूर्वकेन्द्रीय सदस्य हुन् । प्रकाशचन्द्र परियार साझा पार्टीको केन्द्रीय संयोजन समितिका सदस्य हुन् । आमसञ्चार विषयमा स्नातकोत्तर गरेका परियाले एक दशकसम्म टेलिभिजन पत्रकारिता गरेका थिए ।