२५ असार, काठमाडौं । निर्वाचन आयोगले असोज २ गते हुने चुनावमा राष्ट्रिय जनता पार्टी नेपाललाई नयाँ नयाँ चिह्न दिन नसकिने बताएको छ । अब उसले एकता प्रकियामा समेल ६ दल मध्ये कुनै एक दलको चुनाव चिन्ह लिनु पर्नेहुन्छ ।
निर्वाचन घोषणा भइसकेर दुई चरणको निर्वाचन सम्पन्न भएको अवस्थामा नयाँ दलले नयाँ चिह्न लिएरनिर्वाचनमा जान सम्भव नभएको आयोगले जनाएको छ । राजपाले हालै मात्र दल दर्ताका लागि निवेदन दिएको छ ।
संविधानको धारा २६९ र २७१ अनुसार निर्वाचन प्रयोजनका लागि आयोगमा दर्ता भएका राजनीतिक दललेमात्र स्थानीय तह निर्वाचन ऐन,२०७३ का आधारमा दलीय निर्वाचन चिह्न प्राप्त गर्न सक्ने प्रावधानरहेको आयोगका प्रवक्ता सूर्यप्रसाद शर्माले जानकारी दिए । उनले भने, ‘ अब नयाँ पार्टी दर्ता हुने अनिनयाँ पार्टीको चुनाव चिह्न मतपत्रमा छापेर पहिल्यै घोषणा भएको निर्वाचनमा प्रयोग गर्ने भन्ने कुरासम्भव छैन ।‘
तत्कालीन मधेसी मोर्चामा रहेका ६ दलले वैशाख ७ गते एकता भएर राजपा नेपाल गठन गरेका थिए । संसदमा प्रतिनिधित्व गर्ने तराई–मधेस लोकतान्त्रिक पार्टी, सद्भावना पार्टी, तराई मधेस सद्भावना पार्टी,राष्ट्रिय मधेस समाजवादी पार्टी, नेपाल सद्भावना पार्टी र मधेसी जनअधिकार फोरम नेपाल (गणतान्त्रिक) एकीकृत भएका हुन् ।
राजनीतिक दलले दल दर्ताका लागि निवेदन दिएको मितिले ४५ दिनभित्र दलदर्ताको टुङ्गो लगाउनुपर्ने कानुनी व्यवस्थानुसार राजपाले बुझाएको दलको घोषणापत्र, विधानलगायतआवश्यक कागजातको अध्ययन भइरहेको आयोगले जनाएको छ ।
राजपाले आफ्नो दलको चुनाव चिह्नछाता माग गरेको छ ।
