१८ साउन, जाजरकोट । जिल्ला समन्वय समिति जिसस जाजरकोटको संयोजकमा माओवादी केन्द्रका नेता मनबहादुर रावल विजयी भएका छन् ।
नेपाली कांग्रेस र माओवादी केन्द्रका गठबन्धबाट रावल संयोजकमा विजयी भएको मुख्य निर्वाचन कार्यालयका मुख्य निर्वाचन अधिकृत लिलाराज धिकारीले जानकारी दिए ।
त्यस्तै सहसंयोजकमा नेपाली कांग्रेसका नेता ज्ञानीप्रसाद शर्मा निर्वाचित भएका छन् । जिससको खुल्ला सदस्यमा नेपालीका कांग्रेसका कलदर सिंह, तेजविक्रम शाह र माओवादीमा तर्फबाट उम्मेदवार बनेका बीरबहादुर रावत निर्वाचित भएका छन् ।
महिला सदस्यमा माओवादी केन्द्रका गरिमा शाही र सरस्वती बिष्ट र नेपाली कांग्रेसकी जनकेरी दमाई र दलित सदस्यमा नेपाली कांग्रेसका जनकबहादुर नेपाली निर्वाचित भएको मुख्य निर्वाचन कार्यालय जाजरकोटले जानकारी दिएको छ ।
नेकपा एमालेका तर्फबाट जिल्ला समन्वय समितिको संयोजकमा गोरेबहादुर कार्की र सहसंयोजकमा कमला कुमारी शाहीले मनोनयन पत्र दर्ता गराएका थिए ।
जाजरकोटका ७ वटा स्थानीय तहमध्ये कुनै पनि दलको एकलौटी बहुमत नआएपछि जिससमा नेपाली काँग्रेस र माओवादी केन्द्रवीच गठबन्धन भएको हो ।
जाजरकोटमा एमालेले ३ र माओवादी कांग्रेसले २/२ वटा स्थानीय तहमा जितेका छन् । साेही अनुसार जिससको निर्वाचनका लागि एमालेसंग ६ र माअोवादी-कांग्रेससँग ८ मत थियो ।
पत्रकार नरेश रानाबाट
प्रतिक्रिया 4