शनिबार, ४ कार्तिक, २०७४
OnlineKhabar.com

कोरियामा लुकेका फुटबलरको कथाः परिवारलाई नचुहिने छानो त दिए तर …

कुशल तिमल्सिना

२० साउन, काठमाडौं । एसिया कप छनोटको दोस्रो चरणका लागि दक्षिण कोरिया जाने नेपाली फुटबल टिममा छनौट भएपछि नारायण मानन्धरलाई धेरै आफन्त र साथीभाइले उतै लुक्न सुझाएका थिए । उनको भनाइ मान्ने हो भने देशका लागि राम्रो खेल्नु भनेर शुभकामना दिनेभन्दा उतै लुक्नु र टन्न पैसा कमाउनु भनेर सुझाव दिने धेरै थिए ।

एकातिर बल्झिइरहने घुँडाको चोट, अर्कोतिर करिअरको उत्तरार्धको समय । उनलाई पनि आफ्नो भविष्यको चिन्ताले पिरोलिइरहेको बेला थियो ।

त्यसैले घर छोड्नु अघि परिवारलाई उनले भने, ‘मेरो भर छैन है !’

असमञ्जसताका बीच कोरिया उडेका नारायणले दुई खेल नियमित रुपमा खेले । पहिलो खेलमा ओमानसँग ७–० र दोस्रो खेल भियातनामसँग ५–० ले नेपाल हार्‍यो । यसबाट उनमा फ्रस्टेसन आउनु स्वाभाविक थियो । त्यसमा पनि साथीभाइले भनेका कुरा कानमा गुञ्जिइरहेको थियो– पैसा कमाउनु छ भने उतै लुक् ।

काठमाडौंको झोँछेमा रहेको ‘पानी चुहुने झुप्रो’बाट परिवारलाई निकाल्नुपर्ने दायित्व सम्झिए, हुर्कंर्दै गरेकी तीन वर्षकी छोरीलाई उज्वल भविश्य दिनुपर्ने जिम्मेवारी सम्झिए ।

अनि फुटबलमा हुने राजनीति र घुँडाको चोटसमेतलाई सम्झिएर उनले उतै लुक्ने निर्णय लिए । तर, यसो गर्दा आफ्नो देशको प्रतिष्ठामा पुग्ने आघातलाई भने उनले बिर्सिए ।

नजिकका टिममेट शुक्र तामाङ र दीपक लामासँग छलफल गरी नारायण दक्षिण कोरियामै लुके । टिमका प्रमुख तीन सदस्य नै अनुपस्थित भएपछि नेपालले दक्षिण कोरियासँग १६–० को पराजय व्यहोर्‍यो । त्यो नेपाली फुटबलमा अहिलेसम्मकै खराव नतिजा हो ।

कोरियामा लुकेको झण्डै १४ वर्षपछि तत्कालीन नेपाली राष्ट्रिय फुटबल टोलीका लेफ्ट ब्याक नारायण हालै मात्र नेपाल ‘ब्याक’ भएका छन् ।

झोँछेमा बुबाले सञ्चालन गर्दै आएको किराना पसलमा बसेर अनलाइनखबरसँग पछिल्लो १४ वर्षका कुरा गर्दैगर्दा नारायण केहि भावुक बने ।

झोँछेको दुई कोठे झुप्रोबाट परिवारलाई सोह्रखुट्टेमा ‘विल्डङ’मा सार्न पाउँदा ‘सपना साकार’ भएको उनको विश्लेषण थियो । ‘फुटबल नै खेलिरहेको भए मैले यो उपलब्धि जीवनभर पाउने थिइनँ’, उनले गर्वसाथ भने, ‘म कोरियामा नबसेको भए हामी यहीँ चुहुने घरमै हुने थियौं, मैले सानोमा देखे जस्तै हरेक पटक पानी पर्दा मेरा बाबा जस्ताको छानोमा प्लास्टिकले छोपेर हामीलाई पानीबाट जोगाइरहेका हुन्थे ।’

कोरियाका दुःख

तर परिवारको ‘स्टाटस’ यहाँसम्म ल्याउन उनले कोरियामा पसिना मात्र हैन, रगत नै बगाएका छन् ।

‘कोरियाको सबैभन्दा ठूलो दुःख भनेकै अबैधानिक थिएँ’ कुराकानीको सुरुवातमै नारायणले भने, ‘त्यसपछि काम नपाइने, पाए पनि पारिश्रमिकको ग्यारेन्टी नहुने र भाषाको समस्या ।’

सन् २००३ सेप्टेम्बर २८ मा राजधानी सियोलको होटल छाडेर शहरबाहिरको खेतमा काम गर्न पुगे ।

खेतमा वर्षको ६ महिनामात्र काम हुन्थ्यो । त्यसैले उनी पुनः सियोल नै फर्किएँ, शुक्र र दीपकहरु रहेकै ठाउँमा । जिन्स कम्पनीका काम गर्न थालेको साता नवित्दै उनी नराम्रोसँग बिमारी परे ।

‘मैले बढीमा दुई वर्ष बस्छु भन्ने सोचेको थिएँ, यो कुरा सुनाउँदा त्यहीँका दाइहरु भने, पहिले दुई वर्ष बस् न अनि कुरा गर्न आइज भन्थे’ हाँस्दै उनले सुनाए, ‘त्यही दुई वर्ष, एक वर्ष भन्दाभन्दै १४ वर्ष बितिसकेछ ।’

यसबीचमा उनले ११ वर्ष एउटै कम्पनीमा काम गरे । सहकर्मी र साहुको सहयोगमा अवैधानिक बस्न सहज भयो उनलाई । तर, हरेक साताजसो आउने चेकिङबाट बच्नु, कम्पनी छाडेर बाहिर जान नपाउनुले एक प्रकारले बन्दी जीवन कोरिया रहँदा ब्यहोरे नारायणले । ‘सुरुको सात वर्ष त मैले घरमा एक पैसा पठाउन पाइनँ’ उनले सुनाए, ‘इलिगल भइयो, बाहिर निस्कन पनि नपाइने ।’

जीवनको सबैभन्दा उर्जाशील समयमा परिवारबाट बिछोडिएर परदेशका अबैधानिक बस्नुको पीडा त छँदैथियो ।

‘हरेक दिन कुरा भए पनि सँगै बसेजस्तो त कहाँ हुँदो रहेछ र ?’, उनी भावुक बने, ‘बाबा बिरामी भएर २२ दिनसम्म आईसीयूमा राख्दा पनि म आउन सकिन ।’ उनलाई लाग्यो मैले पैसा कमाएँ भने त, राम्रो अस्पतालमा राम्रो डाक्टरबाट बाबाले उपचार पाउनेछन् ।

कोरिया जाँदा तोते बोली बोल्ने छोरी अहिले १२ कक्षा पढ्ने भएकी छन् । अहिलेजस्तो इन्टरनेटको ब्यापकता त्यतिबेला थिएन । हरेक पटक फोनमा कुरा हुँदा छोरीको एउटै प्रश्न हुन्थ्यो, ‘बाबा, हजुर घर कहिले आउने ?’ उनी जवाफ दिन्थे, म छिट्टै आउँछु ।’

भाइ कृष्ण मानन्धरले उनको अनुपस्थितिमा परिवारको अविभावकत्व लिए । नारायण भन्छन्, ‘भाइ यहाँ नभएको भए सायद म यति लामो समय कोरिया बस्ने थिइनँ ।’

सबैभन्दा बढी फुटबल मिस गरेँ

फुटबल खेल्न मुलुकको नेतृत्व गर्दै बिदेश गएर उतै लुकेपछि उनले सबैभन्दा गुमाएको कुरो फुटबल नै थियो । ‘म फुटबलको पागल हो, तर त्यही फुटबल खेल्न नपाउँदा म निक्कै आत्तिएँ ।’

देशको इज्जत र फ्यानहरुको विश्वासमाथि कुठाराघात गरेकोमा उनी आफू भन्दा परिस्थितिलाई दोषी मान्छन् ।

भन्छन्, ‘८ वर्ष राष्ट्रिय टोलीबाट खेल्दा घोषित मासिक २ हजार तलब मैले एक महिनाको पनि पाइनँ, यहीँ बसिरहेका भए म अहिले कुन अवस्थामा हुन्थेँ होला अनुमान लगाउनुस् त !’

तत्कालिन समयमा लेफ्ट डिफेन्सका सबैभन्दा शशक्त खेलाडी नारायणले काठमाडौं क्लबबाट सुरु गरेर करिव आधा दर्जन ए डिभिजन क्लबबाट खेलेका थिए । लिग र नकआउटका साथै भारत र बंगलादेशसम्म पुगेर उनले खेल कौशल देखाएका थिए ।

तर, देशका लागि खेल्न गएको उनी कोरियामा लुके । झण्डै १४ वर्ष लामो कोरिया बसाइपछि नारायण फर्किएक छन् र उनको परिवारमा पछिल्ला तीन सातादेखि पुनर्मिलन छाएको छ ।

  • हजुरबुबा, बुबा र भाइका साथ नारायण

नारायणले कोरियामै कमाएको पैसाले घर किनेपछि झोँछेको दुई कोठे सामान्य ‘झुप्रो’बाट उनको परिवार सोह्रखुट्टे सरेको ९ वर्ष भयो ।

सामान्य किराना पसल चलाउने उनका बृद्ध बुबालाई अहिले पानी पर्न थालेपछि टिनको छानोमा प्लास्टिक छोप्न जानुपर्दैन ।

तर, सानोमा टोलका केटाहरु बिग्रिएको देखेर फुटबल खेल्न प्रेरित गर्ने उनका बुबा अझैसम्म पनि समाजमा शीर ठाडो गरेर हिँड्न सक्दैनन् । किनकी उनको छोरामाथि कहिल्यै नमेटिने गरी ‘राष्ट्रघात’ को दाग लागेको छ ।

२०७४ साउन २० गते १०:५६ मा प्रकाशित (२०७४ साउन २२ गते ११:१६मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२६ प्रतिकृयाहरू प्राप्त
  • विष्णु वहादुर थापा लेख्नुहुन्छ    |   २०७४ साउन २० गते ११:१५

    नारायण जी तपाइले त १४ वर्ष कोरिया वसेर सोह्रखुट्टेमा पानी चुहिने घरमा परिवार सहित वसोवास गरिरहनु भएकोरहेछ तर तपाईको पुरानो घरमा वस्नेहरुले त त्यही पुरानो जस्ताबाट चुहेको पानीलाई पलाष्टिकले छोपेर दैनिकी गुजार्नेहरु पनि होलान नि ।

    46
    68
    Share

  • BIRKHE लेख्नुहुन्छ    |   २०७४ साउन २० गते ११:१७

    देशका लागि खेल्न गएको उनी कोरियामा लुके तर, यसो गर्दा आफ्नो देशको प्रतिष्ठामा पुग्ने आघातलाई भने बिर्सिए ।
    देशको इज्जत र फ्यानहरुको विश्वासमाथि कुठाराघात गरेकोमा उनी दोषी भएकोले देशको कानुन अनुसार कारबाही हुनुपर्छ ।

    86
    120
    Share

  • Nepali लेख्नुहुन्छ    |   २०७४ साउन २० गते ११:३७

    किनकी उनको छोरामाथि कहिल्यै नमेटिने गरी ‘राष्ट्रघात’ को दाग लागेको छ ।

    63
    41
    Share

  • madhab shreemali लेख्नुहुन्छ    |   २०७४ साउन २० गते ११:४४

    सहि गर्यु दाइ नत्र ऐले छओरि को घर को के हलात हुन्थ्यो

    70
    28
    Share

  • harke लेख्नुहुन्छ    |   २०७४ साउन २० गते ११:४५

    नेपालमा खेल्कुद् मा लागेर करोडपती बन्न सकिन्न भन्ने जह्जाहेर छ। त्यो थाहा हुँदा हुँदै फूटबल खेल्ने अनी फूटबल ले मलाई केही दिएन्न भन्नु आँफैमा मुर्खता हो | त्यो कोरियाले भिसा नारायण मानन्धर भन्ने भुइफुट्टे खेलाडी लाई दिएको थिएन, नेपाल को लागि दिएको थियो, सारा नेपाली को नाम मा दिएको थियो, मेरो पनि नाम मा दिएको थियो। तर दुई पैसा कमाउन सबै नेपालीको स्वाभिमान्ता बेच्यौ। तिमी र टिनको छानो हाल्न छोरी बेच्नेमा के नै भिन्नता रहयो र? अनी पछी ईन्डिया ले नाका बन्दी गर्दा back off india भनेर तिमीनै कुर्लने छौ।

    112
    60
    Share

  • suva acharya लेख्नुहुन्छ    |   २०७४ साउन २० गते १२:०१

    tapani le je garnuarpyo yekadam ramro kam garnuarpyo. God Bless you! yo des kasari bigarirheko chah jun kuro tapani le dhekhirahnuvayeko chha? ra ye vedga haru jo vote dinchhan ra netaharu lagi gali garchha HAHHAHHAHHAH

    21
    14
    Share

  • Dhurba लेख्नुहुन्छ    |   २०७४ साउन २० गते १२:१४

    Usle rastraghat gareko xaina.kinaki xora ko pahilo dayeto babu amalai sukha dinu ho8 yrs national team bata football khelda pani rastra le uslai khe dena sakdaina vane usle pani ta kunai bato samatnu paryo.usko pani pariwar x.usko pariwar le chai khana launa pardaina ra?j garau sahi garau.xora hunu ko kartavya pura garyau…..

    38
    9
    Share

  • tvtalk लेख्नुहुन्छ    |   २०७४ साउन २० गते १२:२०

    You did best whatever you did. Football politics, Uncertainty sala nepalese society.

    34
    17
    Share

  • प्रदिप भण्डारी लेख्नुहुन्छ    |   २०७४ साउन २० गते १२:३२

    उहालाई सहि गलत दुबै तरिकाले हेर्नू होस फरक प्रदैन किनकी उहाको कारबाही हुनु पर्छ भन्नू हुने ले कारबाही सगै उहाँ ले 8 बर्स खेलदा नपाको तलब को पनि खोजी गर्दिनुहोस किनकी देस को लागि गरेको त उहाको गद्दार को उपज भो अनि उहाँ माथी भको अन्याय नि केही होइन र 8 बर्स तलब बिनाको लगाब को अगाडि उहाको जुन निणय लाई अनर्थ नमान्दा हुन्छ

    78
    17
    Share

  • Devi Ram Rai लेख्नुहुन्छ    |   २०७४ साउन २० गते १२:४०

    नेपालमा खेल्कुद् मा लागेर करोडपती बन्न सकिन्न भन्ने जह्जाहेर छ। त्यो थाहा हुँदा हुँदै फूटबल खेल्ने अनी फूटबल ले मलाई केही दिएन्न भन्नु आँफैमा मुर्खता हो | त्यो कोरियाले भिसा नारायण मानन्धर भन्ने भुइफुट्टे खेलाडी लाई दिएको थिएन, नेपाल को लागि दिएको थियो, सारा नेपाली को नाम मा दिएको थियो, मेरो पनि नाम मा दिएको थियो। तर दुई पैसा कमाउन सबै नेपालीको स्वाभिमान्ता बेच्यौ। तिमी र टिनको छानो हाल्न छोरी बेच्नेमा के नै भिन्नता रहयो र? अनी पछी ईन्डिया ले नाका बन्दी गर्दा back off india भनेर तिमीनै कुर्लने छौ।

    14
    45
    Share

  • बिष्णु लेख्नुहुन्छ    |   २०७४ साउन २० गते १३:१४

    मातृभूमि पर्ती गद्दार गर्दै देश द्रोही बनि घर को छानो छाऊनू र आफ्नो छोरी चेली बेची बलियो घर को गर्ब गर्नू सायद उस्तै हो कि।

    28
    56
    Share

  • नेपालि केटा लेख्नुहुन्छ    |   २०७४ साउन २० गते १३:१७

    समय र परिस्थिति अनुसार चल्नु नै बुद्धिमता हो,बिगत मा जे-जस्तो भय पनि आफ्नो र परिवारको भबिस्य उज्वल बनाउनु कुनै गलत काम होइन,जो-जसले जे भने पनि पिताले शिर झुकाउनु पर्ने आबस्यकता छैन,भेडाको बथानमा बसेर भेडा नै बन्नु पर्छ भन्ने नीति त्याग्नु पर्छ.कुनै गुण्डाले मान्छे मारे पछि तेस्लाई छुटाउन जाने नेताको साथ दिने भेडाहरु पनि हाम्रै समाज मा छन्..अनि तिनै भेडाको अगाडी शिर किन झुकाउनु?तपाई जस्तो असल पिता,असल पति अनि असल छोरा बन्न कुनै भेडाहरूको समर्थनको आबस्यकता नै छैन …जय देश,जय नेपाल

    66
    16
    Share

  • Binod Dangi लेख्नुहुन्छ    |   २०७४ साउन २० गते १३:२६

    Nepali khelkud ko bastabik charitra

    27
    1
    Share

  • jg लेख्नुहुन्छ    |   २०७४ साउन २० गते १३:२६

    yaha pani kamauna sakinchha ni dai 14 years idea hunuparchha goal garn football khalai ko jastai paisa kamauna businees knowledge hunuparyo ni bro

    6
    11
    Share

  • नरेन्द्र लेख्नुहुन्छ    |   २०७४ साउन २० गते १३:५५

    जे गर्यो समय अनुसार ठिक गर्यो नारायण खेलेर बाच्न सक्ने आधार बनाउ सरकार अनि खेलको स्तर आफै सुध्रिन्छ ।

    44
    5
    Share

  • hukum thapa लेख्नुहुन्छ    |   २०७४ साउन २० गते १३:५९

    सारा नेताले,घूसखाेरिया सरकारि जागरियाले कराेडाै खादा पनि नबाेल्ने एउटा नेपालीले पसिना बगाएर। खादा पनि जेल हाल्ने वा नेपाली । नेपाली हुनुमा गाैरब छ। सलाम

    36
    6
    Share

  • Aait Bahadur Maden लेख्नुहुन्छ    |   २०७४ साउन २० गते १४:११

    Some achievement and happiness and something missing in past and regretted, never mind Narayan Manadhar Jee, you have been speaking all excluded Nepali’s problems.
    This could be the serious policy issue, how to sustain our Player, Musigicans, poet, writer, being brain drain/ muscle drain. My humble suggestion is that after qualifying they have to retain as a player with full salary scale.
    There is news about Neymar’s transfer fee of $263 million (€222 million) 27 Arab Rupees = but less than Privileged groups Chooda Mani Sharma’s corruption charge which is 33 Arab.

    16
    1
    Share

  • Mukhale लेख्नुहुन्छ    |   २०७४ साउन २० गते १५:४७

    Hoina KTM ko Raithane ani Jagga jamin bhaeko manchhe le Desh ko lagi khelna gayeko bela bhagnu desh parti ko gaddari nai ho,baru khel jiwan bata sanyash lier tei jagga dhitoma rakher Europ America gayeko bhaeni hunthiyo.Uha bhanda arthik hisab le gariw khedali haru sangai gayer bhaepani NEPAL pharkie ta,Baru Nepal aaerai gayeko bhae manna sakinchha tara desh ko Badnam garaer ahile afno samasya dekhaunu murkhata nai ho.Koria ko VISA kheladi bhaer lageko ho gariw wa chuine chhano nabhaer hoina,Uha bhanda gariw kheladi haru pharkie ni ta.

    5
    14
    Share

  • Shyam लेख्नुहुन्छ    |   २०७४ साउन २० गते १५:५१

    Rastria staar ko kunai pani khelkud jo kohiley khelna sakdaina jo bachai dekhi nirantar lagi parcha tesley nai khelcha ra tespachi ko jindagi pani rastra ley herideyeko vaye sayad aaba yo ghatana nadohoriyela ki

    8
    0
    Share

  • Neeraj लेख्नुहुन्छ    |   २०७४ साउन २१ गते १:३९

    In Nepal, sports, movies and music industries etc are only in name, infact they are the loop holes to enter Foreign countries..

    4
    0
    Share

  • Milan Bir Malakar लेख्नुहुन्छ    |   २०७४ साउन २१ गते ६:१२

    Every things depend on time situation, when the decision had been taken byMr. Narayan Manandhar the situation of the country was so bad, no laws and rules and regulation, only violence. Many Nepalese people went aboard and clamed refugee and they were accepted, because the world knew the situation of the Nepal. But now, indeed we have political stability and peace we shall not go far away, we must go for economic revolution instead of political revolution. We must salute all those personalities who really faced the challenge own country, stay and sustain. Lets wel come back to all Nepalese like Mr. Manandhsr and lets request, rest of our friendes and relatives please come back to Nepal and maximum use of there earned money, experienced knowledge and technologies. These days we have high developing ratio than another developed countries. We certainly have maximum resources and chances, lets, please keep it. Thank you so much to we all.

    5
    1
    Share

  • santosh लेख्नुहुन्छ    |   २०७४ साउन २१ गते ६:४१

    मान्छेकाे अावश्यकता र परिस्थिति भन्दा ठुलाे केही हुंदैन।

    7
    1
    Share

  • haha लेख्नुहुन्छ    |   २०७४ साउन २२ गते १०:३९

    THAILAND JADA RUSSIA JADA..TYA KO MANCHE LE”YOUR COUNTRY GOVERNMENT IS SHIT” VANEKO THIYO MALAI. HAMRO DESH GHANTAI SITHI.

    j garnu vayo ramro garnu vayo.

    WELCOME BACK HERO

    8
    1
    Share

  • raju rai लेख्नुहुन्छ    |   २०७४ साउन २३ गते १६:३३

    जनतलाई सेवा दिन्छु भन्ने कर्मचारी र राष्ट्र बनाउछु भन्ने नेताले भ्रष्ट्रचार गर्दै काठमाडौँको महँगो-महँगो ठाउँमा घर-जग्गा जोड्नेलाई केहि भन्न नसक्ने हामी नेपाली यसरी सामाजिक संजालमा एउटा दु:ख गरी कमाएको नेपाली प्रति नचाहिने शब्द कोर्नु कतिसम्म जायज छ सोंचेर मात्र कमेन्ट गर्दा हुन्छ ।

    1
    1
    Share

  • kshitiz लेख्नुहुन्छ    |   २०७४ साउन २४ गते १६:५८

    naryan g tapaile j garnu vayo thik garnu vayo kina vane ho tapaile des ko lagi ghat garrnu vayo tara des sang sangai tapai ko pani ta life ho family xa des vadaima family ani afno life lai pani ta sochnu paryo niii ….sabai satthi haruko comment herda yesto dekhiyo ki tapaile matra biswasghat garnu vayo tara yehi des ma basera 3 crore jantako raghat paisna khayera des lai ghat garne haru pani ta xain khoi ta uniharulai vaneko baru bato ma hideko dekhyo vane tauko jukayera hidxan khoi ta biswas ghati tapai le ta baru afno paisna bagaunu vako xa aruko ta hoina ni yaha ta aruko paisna ma ramaune lai ramro vaninxa ni ta ..

    0
    0
    Share

  • DharamHang Koyu Rai लेख्नुहुन्छ    |   २०७४ साउन २४ गते २०:५९

    ma vanna skdina tapai galat ya sahi, tara tapai ko thau ma mai vaidiyeko vayeni tehi garne the! ra sayed boko pet, nago sarir, paani chuhine ghar ko baas ra bridda bau ama ko dukha dekhera jati jana le tapailai galat thaharaaunu vayo uha haru sabai le tehi baato rojnu hunethyo!!!

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this