२०७४ असोज १ गते ९:२८ 
१ असोज, काठमाडौं । पाउलिन्होको गोलको मद्दतमा बार्सिलोनाले गेटाफेलाई पराजित गरेको छ र स्पेनिस ला लिगामा विजयी यात्रा कायमै राखेको छ ।
शनिबार राति भएको खेलमा बार्सिलोनाले गेटाफेलाई २–१ गोल अन्तरले हराएको हो ।
घरेलु मैदानमा भएको खेलमा गेटाफोले ३९ औं मिनेटमा शिबासाकीको गोलबाट अग्रता लिएको थियो । पहिलो हाफमा उसले अग्रता कायमै राख्यो ।
तर, ६२ औं मिनेटमा डेनिस स्वरेजले बाराबरी गोल फर्काए । खेलको ८४ औं मिनेटमा लिओनल मेस्सीको पासमा गोल गर्दै पाउलिन्होले बार्सिलोनालाई जित दिलाए ।
यो जितसँगै बार्सिलोना ४ खेलबाट १२ अंकका साथ अंक तालिकाको शीर्ष स्थानमा छ ।
प्रतिक्रिया 4