१७ असोज, काठमाडौं । मुम्बईको रेलवे स्टेशनमा भएको भागदौडमा एक नेपालीको पनि मृत्यु भएको छ ।
गत शुक्रबार मुम्बईमा एक रेलवे स्टेशनलाई जोड्ने पुलमा भागदौड मच्चिँदा २३ जनाको मृत्यु भएको थियो ।
मृत्यु हुनेमा कपिलवस्तुका टिकाराम तेली पनि भएको खुलेको छ । उनी मुम्बईमा बस्दै आएका थिए ।
नवमीको दिन दशैं मनाउने खर्च जुटाउन उनी काममा गएका थिए तर, भागदौडमा परेर ज्यान गुमाएका छन् ।
शुक्रबार बिन्द्रावतीलाई श्रीमान टिकारामको फोनबाट कल आयो । उनलाई भनियो कि भागदौडमा टिकाराम घाइते भएका छन् र केईएम अस्पताल लगिएको छ ।
यसरी नै उनका आफन्त र साथीभाइलाई फोन गयो । त्यसपछि त्यो नम्बरमा फोन लागेन ।
उनका साथीभाइ अब अस्पताल पुगे, टिकारामको नाम घाइतेको होइन, मृतकको सूचीमा थियो । पत्नी बिन्द्रावतीका अनुसार टिकारामसँग सामसुङ फोन थियो ।
तर, प्रहरीले भने उनको साथमा फोन नभेटिएको बताएको टाइम्स अफ इण्डियाले जनाएको छ ।
टिकारामका साथी दिलिपका अनुसार दुई दशकदेखि मुम्बईमा बस्दै आएका थिए र, दादर प्लाजाको तरकारी बजारमा काम गर्थे । उनकी पत्नी बिन्द्रावती ४८ घन्टा लामो ट्रेनको यात्रापछि सोमबार मात्र आइपुगेकी छन् । टिकारामका चार छोराछोरी छन्, जो ३ देखि १२ वर्षका छन् र नेपालमा पढ्छन् ।
प्रतिक्रिया 4