२४ कात्तिक, झापा । नेपाली कांग्रेसका नेता तथा झापा क्षेत्र नम्बर ३ का उम्मेदवार कृष्णप्रसाद सिटौलाले नेकपा एमाले र माओवादी केन्द्रका कार्यकर्तालाई राजावादीलाई भोट नदिन अपिल गरेका छन् ।
०६२/०६३ को लोकतान्त्रिक गणतन्त्रको परिवर्तन रोक्न सुरज विश्वास र राजन गिरीलाई गोली हान्नेहरु परिवर्तनगामी झापाली जनताका प्रतिनिधि बन्न अयोग्य रहेको बताउँदै उनले राजावादीलाई भोट नदिन अपिल गरेका हुन् ।
शुक्रबार झापामा आयोजित एक कार्यक्रमलाई सम्बोधन गर्दै उनले वाम गठबन्धनले संघीयता र लोकतन्त्र विरोधी राप्रपालाई समर्थन गरेकोमा आश्चर्य परेको समेत बताए ।
‘झापा क्षेत्र नम्बर ३ नेपालको राजनीतिक परिवर्तनको उद्गम थलो हो’, सिटौलाले भने, ‘अग्रगमनका पक्षधर यहाँका जनता राजनीतिक परिवर्तनलाई उल्ट्याउनेहरुको पक्षमा जान सक्दैनन् ।’
झापा क्षेत्र नं ३ मा वाम गठबन्धनले राप्रपा उम्मेदवार राजेन्द्र लिङ्देनलाई समर्थन गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4