१७ मंसिर, काठमाडौं । लिग लिडर बार्सिलोना बराबरीमा रोकिएको फाइदा उठाउन रियल मड्रिड असफल भएको छ ।
रियलले एल्थेटिको बिल्बाओसँग खेल्नु अघि बार्सिलोनाले सेल्टाभिगोसँग २-२ को बराबरी खेलेको थियो । तर, रियल पनि बिल्बाओसँग गोलरहित बराबरीमै रोकिएको छ ।
करिम बेन्जिमा र क्रिष्टियानो रोनाल्डोको प्रहार बारमा लाग्नु रियल मडि्रडका लागि दुर्भाग्य बन्यो । खेलको अन्तिममा सर्जिओ रामोसले रातो कार्ड पाए । राहुल गार्सिआलाई फल गरेपछि उनले ला लिगामा १९ औं रातो कार्ड पाएका हुन् ।
उसो त गोलरक्षक नाभासले इनाकी विलियम्स र अडुरिजको प्रहारको उत्कृष्ट बचाउ गरेका थिए ।
गत सिजन यही समयमा रियल १४ खेलबाट ३४अंकका साथ शीर्ष स्थानमा थियो । तर, यो सिजन २८ अंक जोडेको रियल मड्रिड चौथो स्थानमा छ र लिग लिडर बार्सिलोनाभन्दा ८ अंकले पछाडि छ ।
